Aprillci pret mijëra të ftuar për festën e proshutës dhe rakisë së ngrohtë

botuar më 24-02-24 8.10.PD

Foto: BGNES

Qyteti i vjetër malor i Aprillci pret një nga festivalet më interesante dhe më të shijshme bullgare - Festën e proshutës dhe rakisë së ngrohtë. Në datat 24 dhe 25 shkurt, qyteti malor, i vendosur rrëzë majës së Maragidik, po përgatitet të mirëpresë më shumë se 10 mijë të ftuar nga vendi dhe jashtë. Ata i pret “Gatimi i gjyshes”, i përgatitur në “Tiganin e Madh të Çorbajit”, si dhe specialitete të tjera tipike ballkanike. Rakia e ngrohtë do të jetë kudo. Falë vetive të saj medicinale, të gjithë të ftuarit do të gëzojnë shëndet të mirë gjatë gjithë vitit, premton Bashkia e Aprillcit, e cila është organizatore e aktivitetit.

Programi i festës së madhe të shkurtit përfshin një seri të tërë konkursesh kulinarie - për proshutën më të butë dhe më të shijshme, për gatimin më të shijshëm prej brumi, për rakinë më aromatike, ideale dhe me shije të shkëlqyer, për mezenë më të shijshmen dhe tërheqëse etj. Ndërsa për humorin e mirë të të ftuarve do të kujdesen ansamblet folklorike nga rajoni dhe mbarë vendi, të cilët do të prezantojnë edhe traditat dhe zakonet vendase.

Festë e folklorit bullgar ndër bukurinë e natyrës së malit Stara Pllanina

Foto: BGNES

Përpiloi: Veneta Nikollova

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Aprillci pret mijëra të ftuar për festën e proshutës dhe rakisë së ngrohtë

Më shumë nga rubrika

Çeku Ludvík Kuba i kushton një vëllim këngëve popullore në trojet bullgare

Pse është e rëndësishme që çdo vajzë që ka qenë Lazare të marrë pjesë edhe në ritualin e quajtur "kumiçenje" për Ditën e Dafinave (Cvetnica)

Dita e Llazarit nuk mund të kalojë pa ritualin “llazaruvane” – simbol i "lulëzimit" të vajzave