Fillon Festivali Bullgar i Kumbullës

botuar më 25-09-20 7.05.PD

Foto: festivalnaslivata.com

Mali i Ballkanit, qeramika dhe fruti i kumbullës janë simbol i rajonit të Trojanit. Banorët vendas dinë si t’i ruajnë traditat e tyre. Këtë e dëshmon edhe ngjarja që shënon fundin e vitit bujqësor në fund të çdo shtatori – Festivali Bullgar i Kumbullës. Filloi edicioni i 32-të i këtij manifestimi dhe do të zgjasë deri më 22 shtator në qytetin Trojan dhe në fshatin Oreshak.

Festivali nisi që në Ekspozitën Kombëtare të Zanateve Popullore në fshatin Oreshak në vitin 1993. Që nga viti 1997, festa zhvillohet paralelisht edhe në qytetin e Trojanit. "Çdo vit festivali mbledh mijëra vizitorë dhe banorë vendas dhe këtë vit do të ofrojë një program të pasur, të dedikuar kulturës vendase, artizanateve, produkteve të ndryshme të kumbullës dhe muzikës.

Koncerte nga Toni Dimitrova dhe Petja Paneva, me “Rrugën e Zanateve” të zgjeruar dhe akoma më interesante, konkursi për rakinë më të mirë shtëpie nga kumbulla dhe gatime me kumbull, takim me kuzhinierin më të famshëm televiziv në vend – Uti Bëçvarov, degustimi i marmelatës tradicionale të kumbullës së rajonit, si dhe demonstrime dhe surpriza të veçanta – të gjitha këto për vizitorët e Festivalit Bullgar të Kumbullës, premton nënkryetari i bashkisë së Trojanit.

Këtë vit festa do të jetë edhe më e gjallë dhe argëtuese edhe nëpërmjet teknologjive të reja. Në aplikacionin telefonik GoTroyan (i disponueshëm për Android dhe iOS) ju pret një lojë interaktive me realitet virtual dhe shumë surpriza.

Përpiloi: Vesella Krësteva

Përgatiti në shqip dhe publikoi: Kostandina Bello

Foto: festivalnaslivata.com, Facebook / Festivali Bullgar i Kumbullës (arkiv)

Последвайте ни и в Google News Showcase, за да научите най-важното от деня!

Ndaje

Fillon Festivali Bullgar i Kumbullës

Më shumë nga rubrika

Bullgarët e Banatit nga Gostilja i mirëpresin turistët gourme me kënaqësi kulinare dhe tradita të gjalla

Doc. Natalija Rashkova: Globalizimi është arsye për interes shtesë ndaj identiteteve

Në Tokio do të qëndisin motive tradicionale bullgare