Tryezë e rrumbullakët kushtuar përvjetorit të parë të partneritetit strategjik bullgaro-rumun u zhvillua në Bukuresht
Instituti Diplomatik Rumun dhe Instituti Diplomatik Bullgar organizuan një tryezë të rrumbullakët me temë: "Bullgaria dhe Rumania - një vit partneritet strategjik. Rruga përpara".
Ngjarja në Bukuresht më 14 mars iu kushtua përvjetorit të nënshkrimit të një deklarate politike për partneritetin strategjik midis Bullgarisë dhe Rumanisë nga presidentët Rumen Radev dhe Klaus Johannis, më 15 mars 2023 në Sofje.
Me rastin e ngjarjes që e shënoi këtë përvjetor, Instituti Diplomatik Rumun theksoi: “Rumania dhe Bullgaria kanë zhvillim të përbashkët historik dhe interesa rajonale. Të dy vendet janë anëtarë të BE-së dhe NATO-s dhe kanë shqetësime të përbashkëta. Ne besojmë se është e rëndësishme të forcojmë pozicionin tonë të përbashkët në Detin e Zi në kontekstin aktual”.
Programi i forumit përfshiu fjalën hapëse të drejtorëve të dy instituteve diplomatike - Dr. Liliana Popescu-Burlan në emër të Institutit Diplomatik Rumun dhe Tanja Mihajllova, drejtoreshë e Institutit Diplomatik Bullgar. Më pas fjalën e morën Daniela Gutman – Sekretare e Shtetit në Ministrinë e Jashtme të Rumanisë dhe Elena Shekerletova, zëvendësministre e Jashtme bullgare. Ato folën për Bullgarinë dhe Rumaninë dhe për strategjinë për të ardhmen në marrëdhëniet e tyre. Fjalët përmbyllëse ishin të Shkëlqesisë së Tij Brandusa Predescu - Ambasadore e Rumanisë në Sofje dhe Shkëlqesisë së Tij Radko Vllajkov - ambasador i Bullgarisë në Bukuresht.
Institutet diplomatike të dy vendeve janë ndër institucionet që kanë avancuar marrëdhëniet dypalëshe në një vit të fundit që nga nënshkrimi i deklaratës së partneritetit strategjik mes dy vendeve. Në vitin 2023, Instituti Diplomatik Bullgar publikoi studimin e tij "Politika e jashtme rumune në një kontekst gjeopolitik dhe Bullgaria", në të cilin dy studiues bullgarë përshkruan jo vetëm qëllimet strategjike të politikës së jashtme rumune, por edhe potencialin për përmirësimin e marrëdhënieve bullgaro-rumune dhe propozuan qasjet, për të aktivizuar marrëdhëniet mes bullgarëve dhe rumunëve. Nga ana tjetër, Instituti Diplomatik Rumun punon në drejtim të marrëdhënieve bullgaro-rumune dhe rajonale, dhe një nga këto studime, kushtuar Bullgarisë, u përmend në këtë aktivitet.
Radioja Kombëtare Bullgare, e cila nënshkroi një marrëveshje partneriteti me Radio Rumaninë në vitin 2023, është pjesë e këtij trendi të ndërveprimit midis institucioneve shtetërore në të dy anët e Danubit. Radio Bullgaria kishte përfaqësuesin e saj në tryezën e rrumbullakët në Bukuresht më 14 mars 2024.
Në ditët në vijim do t'ju ofrojmë më shumë informacion për bashkëpunimin midis dy vendeve tona.
Lexoni më tepër për marrëdhëniet bullgaro rumune:
Foto: BTA, Instituti Diplomatik Bullgar
Përgatiti në shqip dhe publikoi: Kostandina Bello
Vetëm 2 kilometra kanë mbetur për t’u ndërtuar në anën bullgare të korridorit hekurudhor, i njohur si Korridori Nr. 8, i cili do të lidhë Detin Adriatik me Detin e Zi përmes Shqipërisë, Maqedonisë së Veriut dhe Bullgarisë. Këtë e njoftoi Sekretari i..
Ljupço Georgievski, kryetar i Klubit Kulturor "Ivan Mihajllov" në Manastir, i ndaluar nga autoritetet maqedonase, do të dalë në gjyq më 21 maj në orën 10:30 të mëngjesit. Ai akuzohet për citimin e kujtimeve të Ivan Mihajllov në Facebook duke përdorur..
Turqia ishte mikpritëse e negociatave të drejtpërdrejta mes Rusisë dhe Ukrainës Përpjekjet diplomatike turke bashkuan delegacionet e Rusisë dhe Ukrainës në Stamboll më 16 maj për herë të dytë që nga fillimi i luftës,..
Lajmi për sulmin e përgjakshëm ndaj kishës ortodokse “Shën Profeti Ilija” në periferi të Damaskut, i kryer më 22 qershor 2025, tronditi thellë..
Komisioni i Punëve të Jashtme i Parlamentit Evropian miratoi me 40 vota "pro", 19 "kundër" dhe 10 "abstenime" projektraportin mbi progresin e Republikës..
Për momentin, nuk ka kërcënim të menjëhershëm për Bullgarinë, në sfondin e konfliktit ushtarak në rritje midis Izraelit dhe Iranit. Qeveria jonë shpreh..
Pjesërisht me re
Mot i kthjellët