Bellosllava mirëpret verën me disa ngjarje - një këngë të re, një turne veror dhe një pllakë të re të gramafonit. Në këngën e titulluar “Shpirti im”, këngëtarja flet për rrugëtimin e dashurisë.
“Teksti i këngës "Shpirti im" ka të bëjë me udhëtimin me bashkëshortin tim Evgeni dhe i kushtohet atij. Çdo ngjashmëri me persona dhe ngjarje është krejtësisht reale dhe e frymëzuar nga jeta jonë", rrëfen Bellosllava.
Tingëllimi delikat është tipik për krijimtarinë e këngëtares, gjë për të cilën është përkujdesur autori i muzikës dhe aranzhimit Zhivko Petrov. "Shpirti im" u përfshi në një album të vogël me të njëjtin emër, i cili përmban pesë versione të tjera të ndryshme të këngës. Pritet që ai të dalë në një pllakë gramafoni gjatë verës.
Turneu veror i këngëtares filloi më 22 maj dhe do të përfundojë më 4 shtator në Festivalin e Arteve “Apollonia” në Sozopol. Ndërkohë, në qershor, albumi i dytë i Bellosllavës "Më dëgjo", nga vitin 2005, do të dalë në tregun muzikor për herë të parë në një pllakë gramafoni. Ky realizim i ri i albumit është pjesë e projektit për të ribotuar të gjitha regjistrimet në studio të këngëtares në pllaka gramafoni.
Lexoni më shumë:
Redaktore: Diljana Traçeva
Përgatiti në shqip dhe publikoi: Svetllana Dimitrova
Foto: Beloslava (Official Channel)
Kënga "Mjeshtri i Bojanës" mbeti gjatë në repertorin e Lili Ivanovës. Në YouTube mund të shihen dhe dëgjohen shumë interpretime të saj nga koncerte të ndryshme gjatë viteve dhe për mua është vërtet një gëzim që kjo këngë, edhe sot – më shumë se 55..
Një top energjie, kjo është DARA - vajza nga Varna, e cila "shpërtheu" në jetën muzikore bullgare një dekadë më parë, duke shkelur në trampolinën e një formati televiziv muzikor dhe duke ndërtuar një karrierë mbresëlënëse me një prani të..
Varna po pret edicionin e 12-të të Festivalit RADAR Beyond Music, i cili do të zhvillohet midis 7 dhe 10 gushtit. Tema e ngjarjes së këtij viti është e ardhmja e muzikës në epokën e inteligjencës artificiale - ajo do të zhvillohet si në koncerte,..
Mot i kthjellët