Në një seri materialesh do t'ju tregojmë për vizat që kërkohen për qëndrim dhe kalim tranzit përmes Bullgarisë, si dhe për qytetarët e të cilave shtete kanë nevojë për to. Siç dihet, nga 31 mars 2024, Bullgaria është pjesë e zonës Shengen nga ajri dhe uji, gjë që eliminon kontrollet e pasaportave gjatë udhëtimeve nga aeroportet dhe portet drejt vendeve të Shengenit. Në të njëjtën kohë, ne vazhdojmë të bëjmë përpjekje për hyrjen e vendit tonë në zonën evropiane të lëvizjes së lirë edhe nga toka.
Anëtarësimi në Shengen, edhe pse i paplotë, solli disa ndryshime të vizave që duhen marrë parasysh. Për qytetarët që kanë nevojë dhe kanë një vizë uniforme (Schengen), koha e kaluar në Bullgari konsiderohet pjesë e ditëve të autorizuara të qëndrimit në zonën Shengen, pavarësisht nëse ata kanë hyrë në Bullgari nga ajri, toka apo deti, si në rastin e një qëndrimi afatshkurtër, ashtu edhe në kalimin tranzit. Viza e parë për të cilën do t'ju tregojmë njihet si Viza A.
Viza e tipit A - për çfarë është ajo?
– për tranzit në aeroport.
Sa lloje mund të jetë një vizë e tipit A?
- tre lloje – për hyrje një herë, dy herë ose të shumëfishta (kjo e fundit është e vlefshme deri në 3 muaj nga data e lëshimit të saj).
Çfarë të drejta jep viza e tipit A?
– I jep të drejtën një shtetasi të huaj të kalojë ose të qëndrojë në zonën e transitit ndërkombëtar të aeroportit, gjatë një uljeje të ndërmjetme ose kur ndryshon një fluturim, për të vazhduar udhëtimin në një vend.
Çfarë të drejtash nuk jep një vizë e tipit A?
– të largohet nga salla e transitit.
A ka ndonjë kërkesë më specifike për lëshimin e një vize të tipit A?
- Po. Kur aplikohet për një vizë "A", duhet të dorëzohet një rezervim fluturimi me aplikimin për vizë dhe një biletë dhe një kopje e saj duhet të dorëzohet përpara se të lëshohet viza.
Cilat janë vendet, qytetarët e të cilëve kanë nevojë për vizë transiti në aeroport?
- Në përgjigje të një pyetjeje të Radio Bullgarisë, Ministria e Punëve të Jashtme bëri me dije se nga një vizë transiti aeroporti nga Republika e Bullgarisë kanë nevojë qytetarët e specifikuar në Shtojcën nr. 1 pranë Nenit 4, Paragraf 1 dhe Nenit 6, Paragraf 1 të Urdhëresës për Kushtet dhe Rendin për Dhënien e Vizave dhe Përcaktimin e Regjimit të Vizave, përkatësisht:
Afganistani
Bangladeshi
Gana
Etiopia
Eritrea
Iraku
Irani
Kongo, Republika Demokratike
Nigeria
Pakistani
Somali
Sri Lanka
Më shumë informacione të dobishme nga Radio Bullgaria:
Përgatiti në shqip dhe publikoi: Svetllana Dimitrova
Bullgaria mbetet e përkushtuar ndaj misionit të përbashkët të zhvillimit të potencialit të shkencës në mbështetje të paqes në një botë të konkurrencës së ashpër dhe për zhvillimin pozitiv të shoqërive tona. Kështu deklaroi kreu i shtetit Rumen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë në prodhim. Pas protestave masive bujqësore në të gjithë BE-në që nga fillimi i vitit, fermerët po..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen për vitin akademik 2024-2025 është rritur me rreth 11%. Kështu ka thënë për programin “Hristo Botev”..
Përshkallëzimi i tensioneve në Lindjen e Mesme ka përqendruar vëmendjen në fushën e diplomacisë dhe mundësinë e shmangies së përshkallëzimit dhe..
Motra Meri Grejs është një nga 7 murgeshat në manastirin benediktin në fshatin Carev Brod, Bullgaria Verilindore. Ajo është 27 vjeçe dhe është..