Njohësit e folklorit bullgar u mblodhën në fundjavat e 20 dhe 21 korrikut në fshatin Teteven të Ribaricës për Festivalin e Tretë Kombëtar dhe edicionin e gjashtëmbëdhjetë të "Festivalit të zakoneve popullore dhe kostumit autentik" në zonën e Kostinës. Gjatë ditëve të festivalit marrin pjesë më shumë se 60 ansamble dhe grupe folklorike nga mbarë vendi, të cilat performojnë në kategori të ndryshme – këndim, valle popullore, interpretim në vegla popullore, shfaqja e kostumeve dhe zakoneve autentike, transmeton BTA.
Veprimtaria ka karakter konkursi, me idenë për të ruajtur kostumet dhe folklorin autentik, si dhe traditat dhe zakonet bullgare. Organizatorët e saj ftojnë pjesëmarrësit të nxjerrin nga dollapët e gjysheve të tyre atë që ajo ka bërë me dorë ndër vite dhe e ka ruajtur deri më sot. Kështu, të ftuarit e festivalit mund të shohin kostume nga vende të ndryshme të Bullgarisë, si dhe zakone, në sfondin e valleve dhe këngëve nga i gjithë vendi.
Në përfundim të programit konkurrues më 21 korrik, pjesëmarrësit do të vlerësohen nga një juri profesionale dhe pak më vonë do të marrin edhe çmimet e tyre në kategoritë e ndryshme.
Festivali organizohet nga vatra popullore “Zhvillimi-1931” - fshati Ribarica dhe Bashkia e Ribaricës, me mbështetjen e Bashkisë së Tetevenit.
Përpiloi: Darina Grigorova
Foto: naturarib.com, teteven.bg
Përgatiti në shqip dhe publikoi: Vesella Mançeva
Më 23, 24 dhe 25 maj, në sheshin “Svoboda” nëqytetin Dobriç (Bullgaria Verilindore) do të mbahet një Festival i Zanateve dhe Arteve. Artistë nga i gjithë vendi do të marrin pjesë në të, duke prezantuar traditat dhe kulturën bullgare. Së bashku..
Tradita ortodokse bullgare përcakton që në ditët e festave të mëdha të krishtera të bëhet një dhurim vullnetar, i quajtur gjithashtu kurban. Në thelb, kjo është shpërndarja e ushqimit ndërmjet të krishterëve, ushqim që ka një qëllim të veçantë lutjeje...
Edicioni i tretë i festës së samardallës do të zhvillohet më 3 maj në sheshin qendror të qytetit Nova Zagora. Bima aromatike, karakteristike për Bullgarinë Juglindore, përdoret si erëz dhe mblidhet në kulmin e lulëzimit gjatë muajit maj, kur përmbajtja..