Nga 2 deri më 7 gusht në pushimoren malore Borovec do të mbahet edicioni i tretë i Festivalit Ndërkombëtar të Xhazit “Dr. Emill Iliev”. Forumi muzikor është tashmë një traditë në kalendarin kulturor të resortit tonë malor. Sipas drejtoreshës së festivalit, Dr. Tatjana Ilieva, "Energjia e malit madhështor Rilla dhe muzika e interpretuesve të preferuar të xhazit bullgar dhe të huaj ndërthuren në një tërësi dhe krijojnë një ndjenjë lirie dhe fuqie".

Gjashtë ditët e festivalit do të japin një skenë për muzikantë dhe formacione nga mbi dhjetë vende, të prezantuara në tre koncerte çdo natë. Pas tyre, festa do të vijojë me koncerte tradicionale “Jam Sesion”. Ndër veprimtaritë e tjera në kuadër të Xhaz Festivalit në Borovec, ka ekspozita, takime me shkrimtarë, një akademi verore xhaz për fëmijë etj. Radioja Kombëtare Bullgare (BNR) është partnere mediatike e festivalit.

Më 2 gusht, Big Bendi i BNR-së me solistë Vasill Petrov dhe Valeria Stojanova do të hapë edicionin e tretë të Festivalit Ndërkombëtar të Xhazit “Dr. Emill Iliev”. Vasill Petrov është mysafir i shpeshtë i koncerteve të Big Bend-it, regjistrimet e të cilave ruhen në Fonotekën e BNR-së. Prej tyre ju ofrojmë të dëgjoni "Ndoshta". Kënga është me tekst të Arkimandritit Serafim, muzika është nga vetë këngëtari. Aranzhimin e bëri Angell Zaberski - biri, i cili dirigjon orkestrën e BNR-së në këtë këngë.

Lexoni më shumë:

• Symphony-Jazz: Një projekt i ri i Angjell Zaberskit-biri

• E dua fjalën “estetikë” që do të thotë të respektosh masën” – Angell Zaberski-bir prezanton albumin e tij të ri “Like Jazz”

• Big Bеndi i Radios Kombëtare Bullgare surprizon me muzikën filmike të Millço Leviev në një aranzhim të ri

• Vasill Petrov me një jubile

• Vasill Petrov me një album romantik, turne dhe ekspozitë

• Angjell Zaberski-biri: “Improvizimi më jep liri...”

• Angell Zaberski dhe Zhivko Petrov – së bashku në një skenë

Redaktore: Diljana Traçeva

Përgatiti në shqip dhe publikoi: Svetllana Dimitrova

Foto: BTA - arkiv, doctorjazzfest.com