Arkeologët bullgarë vazhdojnë studimin e nimfeumit të lashtë (vend i shenjtë i nimfave), zbuluar në kompleksin "Aquae Calidae" pranë Burgasit. Nimfeu zë një vend qendror në banjot e dikurshme romake dhe ka qenë pjesë e një shatërvani me mbishkrim dhe një statujë të tre nimfave - mbrojtëse të burimeve minerale, tha për BNR Prof. Dimço Momçillov, drejtues i hulumtimit.
"Ne e zbuluam nimfeumin vitin e kaluar në periferi dhe tani kemi filluar ta studiojmë atë," shpjegoi ai.
Pranë shatërvanit të kultit, arkeologët zbuluan shumë qeramika dhe monedha të lashta të shekujve I dhe II. Në këtë zonë, në verën e vitit 2022, ishte zbuluar edhe një mbishkrim i jashtëzakonshëm kushtuar nimfave, nga fundi i shekullit I - fillimi i shekullit të II.
Arkeologët po hetojnë edhe një shtresë mesjetare, ku janë identifikuar deri tani në dy vitet e fundit pesë banesa, një pjesë e një kishe dhe një nekropol, të cilat përshtaten në kufijtë kronologjikë të shekujve 11-13. Është zbuluar gjithashtu një sasi e madhe e qeramikës artistike, monedhave dhe vulave.
Studimet arkeologjike e “Aquae Calidae” financohen që nga viti 2008 dhe çdo vit zbulohen gjithnjë e më shumë fakte historike interesante.
Lexoni më shumë:
Vetëmohimi, ndershmëria, trimëria dhe besimi në të drejtën e lirisë kombëtare dhe në një jetë të denjë. E gjithë kjo personifikon një nga heronjtë më të dashur kombëtar bullgar - Vasill Levski . Më 18 korrik të këtij viti Bullgaria shënon 187 vjet..
Bullgaria vazhdon të jetë i vetmi vend europian që nuk ka memorial për viktimat e regjimeve totalitare. Ky fakt i turpshëm, që shënoi statusin modern të shoqërisë sonë si një ulçerë e pashëruar prej kohësh, u kujtua edhe këtë vit më 1 qershor, kur qindra..
Universiteti i Sofjes "Shën Kliment Ohridski" do të mirëpresë mbi 300 dijetarë nga e gjithë bota në konferencën tradicionale ndërkombëtare të Shoqatës Evropiane për Studime Biblike. Forumi do të mbahet nga 15 deri më 18 korrik në Rektoratin e..