Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Reagime të ashpra në Bullgari pasi zëvendëskryeministri i Maqedonisë së Veriut i quajti bullgarët "të paqytetëruar"

Aleksandër Nikolloski
Foto: rtsh.al

BSP insiston që Ministria e Punëve të Jashtme të thërrasë ambasadorin e Republikës së Maqedonisë së Veriut në vendin tonë për shpjegime lidhur me komentet e zëvendëskryeministrit Aleksandër Nikolloski. Në një intervistë televizive, ai i quajti bullgarët "të paqytetëruar" dhe mohoi kategorikisht se të dy vendet kanë një histori të përbashkët. Sipas BSP, reagimi i palës bullgare duhet të jetë "jashtëzakonisht i ashpër". Fjalët e Nikollovskit janë për mungesën e flamurit të RSM-së në takimin joformal të presidentëve Rumen Radev dhe Gordana Siljanovska-Davkova të premten më 13 shtator.

“Ambasadori i Republikës së Maqedonisë së Veriut duhet të tërhiqet menjëherë, derisa Bullgaria dhe bullgarët nuk marrin falje të duhur për fyerjet ndaj shtetit dhe popullit bullgar!”, shkroi në një mesazh për mediat kryetari i Grupit Parlamentar të DPS-së, Deljan Peevski.

“Mendoj se fjalët janë ofenduese dhe të pamatura, dhe politikanët maqedonas duhet ta kuptojnë një gjë – nëse duan të jenë anëtarë të Bashkimit Evropian, duhet të respektojnë marrëveshjet e shkruara”, ishte kategorik Asen Vasilev nga PP-DB.

Republika e Maqedonisë së Veriut nuk ka vend në BE, komentoi kryetari i Grupit Parlamentar të ITN-së Toshko Jordanov në margjinat e Kuvendit Popullor.

Ministria e Punëve të Jashtme doli me një qëndrim për rastin. “Në lidhje me kualifikimet e njëpasnjëshme fyese ndaj Bullgarisë dhe popullit bullgar nga zyrtarë të Republikës së Maqedonisë së Veriut, ne refuzojmë kategorikisht të përfshihemi në një ton të tillë joevropian dhe të papajtueshëm me edukimin e mirë. Partnerët tanë janë të njoftuar për provokimet e paprovokuara, duke përfshirë edhe prishjen e dialogut. Edhe një herë rikujtojmë rëndësinë kyçe të zhvillimit të marrëdhënieve të fqinjësisë së mirë për të ardhmen evropiane të Republikës së Maqedonisë së Veriut”, thuhet në deklaratën e departamentit tonë diplomatik.

Më shumë hollësi për vizitën e delegacionit maqedonas në Sofje mund të lexoni në postimet e mëposhtme:





Последвайте ни и в Google News Showcase, за да научите най-важното от деня!

Më shumë nga rubrika

Investitorë nga SHBA po shqyrtojnë mundësinë për të marrë pjesë në depozitën e gazit në Çiren

Investitorë amerikanë ndodhen këtë javë në Sofje për negociata me autoritetet bullgare lidhur me zgjerimin e depozitës së gazit në Çiren – një projekt që mund të shndërrohet në një fushë të re përballjeje midis mbështetësve dhe kundërshtarëve të..

botuar më 25-08-06 9.12.PD

Parashikimi i motit për 6 gushtin

Të mërkurën , temperaturat minimale do të jenë nga 16 deri në 21°, në Sofje - 16°. Gjatë ditës do të jetë kryesisht me diell. Pas drekës kryesisht në rajonet veriperëndimore dhe malore do të ketë shi dhe bubullima. Vranësira me shi do të zhvillohen..

botuar më 25-08-05 7.30.MD

Anija e peshkimit "Çavdar" bëhet vend për zhytës pranë qytetit Sozopoll

Anija e peshkimit "Çavdar", e ndërtuar në vitin 1964, u fundos në fundin e detit pranë qytetit bregdetar Sozopoll, në një thellësi prej 30 metrash. Operacioni, që zgjati rreth një orë, u realizua me iniciativën e shkrimtarit Mihaill Zaimov dhe..

botuar më 25-08-05 4.45.MD