Muzikantët nga DEEP ZONE Project na ofrojnë përsëri një kombinim të tingullit të klubit me atë të folklorit bullgar në këngën e tyre "Diçka më e mirë", këtë herë së bashku me Bisera dhe Lidija. Kur Dian Savov, i njohur si DJ Dian Solo, i kërkoi dy këngëtaret me një ftesë për të marrë pjesë në krijimin e këngës, ata pranuan me kënaqësi. Ja se çfarë na tregoi Dian për “Diçka më e mirë”:
“Ky është një projekt shumë i veçantë për ne, pasi donim të bënim eksperimentin e radhës në të cilin të kombinojmë muzikën elektronike dance me folklorin autentik bullgar. Por ndryshimi këtu është se folklori është kompozuar nga ne posaçërisht për këtë këngë dhe nuk kemi përdorur një këngë të vjetër popullore bullgare. Kështu qe ne nuk ishim kufizuar as në melodi, as në tekst dhe në fakt krijuam një bombë energjie, e cila i shpërthen në erë dansingët në Bullgari dhe nëpër botë.”

Shkaku i këtyre fjalëve është se pak kohë pasi kënga “Diçka më e mirë” u përhap në platformat e internetit, ajo, edhe pse e kënduar në bullgarisht, është më e dëgjuar dhe më e transmetuar në Spotify në... Miami. Sipas Dian-it, kjo është dëshmi se muzika nuk ka kufij kur është interesante dhe e krijuar me shumë zemër dhe imagjinatë.
Zëri unik i Lili Ivanovës - ikona e muzikës bullgare, e cila ka emocionuar breza të tërë fansash për më shumë se gjashtë dekada , do ta kënaqë publikun e Plovdivit. Koncerti në “Qytetin е Kodravе”, siç është i njohur Plovdivi, do të..
Më 16 nëntor 2025 në orën 19:30 në katedralen katolike "Shën Jozefi" në Sofje do të mbahet një koncert barok, i dedikuar festës së mbrojtëses së muzikës kishtare – martires romake shenjtja Cecilia. Koncerti "Cantantibus organis" është pjesë nga një seri..
Përgatiti në shqip dhe publikoi: Svetllana Dimitrova Foto: BTA, arkiv, Facebook/ Yanka Rupkina (Zyrtare), arkiv personal