Sot pritet nisja tregtare e terminalit për gaz të lëngëzuar natyror në Aleksandropolis të Greqisë. Lidhja tashmë është testuar me sukses me vëllime reale të gazit natyror për të siguruar funksionim pa probleme.

Hapja ishte planifikuar për në prill 2024, por më pas u shty për shkak të një defekti teknik. Bullgaria është bashkë-aksioner në projektin për ndërtimin e një terminali lundrues përmes kompanisë së saj "Bulgartransgaz".

"Fillimi i funksionimit tregtar të terminalit këtë vjeshtë do të garantojë sigurinë e furnizimeve me gaz për sezonin e ardhshëm dimëror për rajonin e Evropës Juglindore duke pasur parasysh pezullimin e mundshëm të transportimit të gazit natyror rus përmes territorit ukrainas nga fillimi i vitit të ardhshëm”, tha në gusht ministri i energjisë Vlladimir Malinov.

Ministri ynë i energjisë ndodhet aktualisht në një vizitë pune në SHBA. Programi i tij përfshin takime me përfaqësues të "Westinghouse" dhe Exim Bank - banka e eksport-importit të SHBA-së, në lidhje me ndërtimin e ardhshëm të blloqeve Nr. 7 dhe Nr. 8 të centralit atomik bullgar "Kozlloduj".