Dokumentari i Televizionit Kombëtar Bullgar (BNT) "Pasqyra shpirtërore e qytetit të krishterë Nesebër" u nderua me gjithsej katër çmime në tri festivale prestigjioze ndërkombëtare të filmit në Brazil, Gjeorgji dhe Portugali. Skenarist i filmit është kolegu ynë nga Radio Bullgaria Ivo Ivanov, regjisor Misho Lanxhev dhe kinooperator Aleks Samunxhi. Filmi prezanton të vetmin vend në Bullgari me kaq shumë kisha mesjetare të mbijetuara. Këta tempuj të lashtë u bëjnë përshtypje banorëve dhe mysafirëve të qytetit tonë të Detit të Zi me arkitekturën, bukurinë dhe afresket e ruajtura. Ishin kishat dhe shtëpitë e vjetra të qytetit Nesebër, që e motivuan UNESCO-në në vitin 1983 të përfshijë Lagjen e Vjetër të qytetit Nesebër në Listën e Trashëgimisë Kulturore Botërore.
"Pasqyra shpirtërore e qytetit të krishterë Nesebër" u dallua me vendin e parë në Festivalin e Filmave të Artit dhe Turizmit Finisterra (Finisterra Brazil Film Art & Tourism Festival)në kategorinë “Turizëm Fetar” dhe vendin e dytë në kategorinë “Filma Dokumentarë”. Filmi fitoi edhe vendin e tretë në Festivalin e Filmave të Artit dhe Turizmit Finisterra (Finisterra Arrábida Film Art & Tourism Festival) në Portugali, si dhe çmimin e tretë në kategorinë “Dokumentari i Udhëtimit” (Përshkrimi) në Festivalin Ndërkombëtar të Filmave të Udhëtimit (Art & Travel International Film Festival)në Tbilisi të Gjeorgjisë.
Përpilues: Veneta Nikollova
Përgatiti në shqip dhe publikoi: Svetllana Dimitrova
Foto: BNT
Bregdeti ynë jugor i Detit të Zi vazhdon të presë qindra mijëra pushues edhe pas kulmit të sezonit turistik. Në fillim të shtatorit qytetet turistike ende marrin frymë me ritmin e verës, ndërsa bashkia bregdetare Carevo është përplot me turistë –..
“Heraklea Sintika është një trashëgimi natyrore dhe shkencore me rëndësi botërore!” – thekson Katja Stojanova, drejtoreshë e Muzeut Historik në Petriç dhe drejtuese e projektit “Restaurimi, konservimi, ruajtja, popullarizimi dhe zhvillimi i..
Zhvillimi i turizmit të verës si një produkt strategjik, duke plotësuar fushat e forta tradicionale në turizmin bullgar, i cili mund ta shndërrojë vendin në një destinacion gjatë gjithë vitit, ishte fokusi i takimit të Ministrit të Turizmit Mirosllav..
Vranësira të dendura me shi
Reshje
Vranësira të ndryshueshme mundësi për reshje shiu