Vetëm për 9 muajt e parë të vitit 2024, Banka Kombëtare Bullgare nxori në qarkullim në vend rreth 11 milionë kartëmonedha të reja nga 100 leva. Nëse në fillim të vitit kishte më shumë se 131 milionë monedha në qarkullim, në fund të shtatorit ato ishin tashmë më shumë se 142 milionë. Rritje ka edhe në kartëmonedhat në qarkullim nga 50 leva. Në të njëjtën periudhë ato u rritën nga 244 milionë në 251 milionë leva. Në të njëjtën kohë qarkullimi i kartëmonedhave nga 20 leva u ul ndjeshëm me 9 milionë.  Afro 5 milionë kartëmonedha dolën nga qarkullim te kartëmonedhat nga 10 leva. Edhe pse në mënyrë modeste me 2 milionë, u rritën kartëmonedhat nga 5 leva. Një fakt interesant nga statistikat e bankës është se që kur kartëmonedhat 100 leva u emetuan për herë të parë në vitin 2003, kur ishin vetëm 806 mijë copë, sot, 21 vjet më vonë, ato janë tashmë mbi 142 milionë copë.