Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në Ditën e të Vdekurve para festës së Shën Kryeengjëllit Mihaill, përkujtojmë të ndjerët dhe japim lëmoshë

Foto: BGNES

Në kalendarin e Kishës Ortodokse Bullgare janë edhe tri ditë të veçanta në të cilat besimtarët i luten Zotit dhe japin lëmoshë në kujtim të të dashurve të tyre të vdekur. Këto janë tre Ditët e Gjithë Shpirtrave që shënohen gjithmonë të shtunave para Të Dielës së të Lidhurit të Mishit, Rrëshajave dhe Ditës së Kryeengjëllit Mihaill. Dita e të Vdekurve para festës së Shën Kryeengjëllit Mihaill quhet edhe mashkullore, sepse i kushtohet edhe luftëtarëve të rënë.

Ne lutemi edhe për shpirtrat e të ndjerëve në çdo liturgji dhe para shërbesës shkruajmë emrat e tyre në mënyrë që prifti t'i përmendë së bashku me gjithë Kishën Qiellore. Besohet se edhe nëse shpirti është në një vend të trishtuar, ndarja e një grimce të prosforës me emrin e të ndjerit është si një rreze drite e bekuar për të.

Për përkujtim përgatitet gruri i zier, i cili simbolizon vdekjen dhe ringjalljen për jetën e përjetshme. Sipas fjalëve të Shën Apostull Palit, ashtu si një kokërr gruri duhet të vdesë në tokë për t'u ringjallur si kalli i grurit, ashtu edhe njerëzit vdesin për t'u ringjallur në pranverën e jetës së përjetshme. Ushqimi që shpërndahet, përveç grurit, me fjalët "Zoti fal!" është për lëmoshë - për të uriturit dhe të varfëritë, për faljen e mëkateve të të vdekurit.

Me ceremoninë e përgjithshme përkujtimore, besimtarët kujdesen shpirtërisht jo vetëm për të afërmit e tyre të vdekur, por edhe për ata për të cilët nuk ka kush të lutet. Është ky kujdes lutës që e ndihmon shpirtin, prandaj pranohet në këto ditë mendja të mos shpërqendrohet nga puna dhe mendimet materiale, që të mos vuajnë shpirtrat e të vdekurve. Kjo është arsyeja pse lutjet e përmortshme në tempull Ditën e Gjithë Shpirtrave, së bashku me përkujtimet dhe lëmoshat e bëra në emër të të ndjerit, janë veçanërisht të rëndësishme për shpirtrat e tyre.

Zoti i preftë të gjithë të ndjerit në një vend pa pikëllim!

Përpiloi: Darina Grigorova

Përgatiti në shqip dhe publikoi: Svetllana Dimitrova

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Ministria e Mjedisit dhe e Ujërave: Digat janë në nivele kritikisht të ulëta, por nuk janë shkaku i mungesës së ujit

Verë, temperatura të larta, gjendje pushimi. Por për fat të keq me verën nuk vijnë vetëm emocione pozitive, por edhe probleme reale dhe shumë serioze. Kështu, për shembull, gjatë vitit të kaluar 2024, mbi 400 vendbanime në të gjithë Bullgarinë, ndër të..

botuar më 25-06-27 8.00.MD
Rektorja e Universitetit të Ruses, doc. Desisllava Atanasova dhe Drejtori i Përgjithshëm i BNR, Milen Mitev

Ura drejt bullgarëve në Moldavi: Radioja Kombëtare Bullgare do të bashkëpunojë me Universitetin e Ruses në Taraklia

Radioja Kombëtare Bullgare (BNR) dhe Universiteti i qytetit Ruse do të jenë partnerë në aktivitetet kulturore dhe arsimore në degën e sapohapur të universitetit në Taraklia, Moldavi. Kjo u bë e ditur pas një takimi midis drejtuesve të të dy..

botuar më 25-06-27 3.51.MD

Ekzaminime mjekësore falas për bullgarët në Gollobordën e Shqipërisë

Për të dytin vit radhazi, Kolegji Mjekësor i Universitetit Trak në Stara Zagora (Bullgaria Jugore) po organizon ekzaminime mjekësore falas në Shqipëri. Një ekip prej 22 specialistësh është duke punuar nga 26 deri më 28 qershor 2025 me pacientë në..

botuar më 25-06-26 7.45.MD