Arkeologët studiuan një nekropol në zonën Kavacite pranë qytetit bregdetar Sozopoll. Perimetri në të cilin ndodhet është pjesë e historisë së Apolonisë Pontika dhe daton në shekullin e IV-të para Krishtit. “Kjo është një zonë me varrime interesante, në të cilën zbulohet një nuancë e ritit fetar trak. Kalin e parë të varrosur ritualisht e gjetëm në nekropolin apolonian dhe mbishkrimin e parë të varrit me emra trakë. Sigurisht që nuk mungojnë edhe të gjitha detajet e kultit ndaj të vdekurve”, tha Dimitër Nedev, drejtori i Muzeut Arkeologjik.
Ai njoftoi gjithashtu se përfunduan aktivitetet arkeologjike pranë qytetit të vjetër të Sozopollit, ku do të ndërtohet stacioni i ri i autobusëve të qytetit bregdetar. Niveli romak i arritur nga arkeologët nxori në pah nekropole dhe artefakte interesante, si stela e varrit me një burrë vallëzues me një qen, të një banori të supozuar fisnik të Apolonisë. Gjithashtu u gjetën copa plumbi për hobe, shigjeta bronzi dhe 22 monedha argjendi - skifat, të përdorura gjatë kësaj periudhe të antikitetit. Ndër gjetjet ka edhe enë qeramike të pikturuara me vlerë, të shtrenjta dhe luksoze për kohën e tyre.
Shkencëtarët janë të sigurt se në Apolonia Pontika jetonin fisnikë të pasur, pasi artefakte të ngjashme u zbuluan në 60 varre të tjera të shekullit të IV para Krishtit në rajonin Kavacite. Pritet një analizë antropologjike e gjetjeve, e cila do të japë më shumë të dhëna historike dhe më pas sendet do të ekspozohen në vëmendjen e turistëve.
Lexoni më shumë nga koleksioni i Radio Bullgarisë:
Përpiloi: Gergana Mançeva
Përgatiti në shqip dhe publikoi: Svetllana Dimitrova
Foto: BTA, BGNES
A ndodh që nëpër muze të ketë edhe disa eksponate të falsifikuara aq mirë sa nuk dallohen fare nga origjinalet - ka zëra dhe spekulime për këtë temë, por për momentin një seri e tërë falsifikimesh historike janë pjesë e një ekspozite në Muzeun Kombëtar..
Një statujë unike nga periudha romake e qytetit Odesos, e datuar paraprakisht në fund të shekullit II dhe gjysmën e parë të shekullit III, u gjet gjatë gërmimeve në zonën e stacionit hekurudhor në Varna, njoftuan arkeologët nga Muzeu Historik..
Një kompleks prej një duzinë shtëpish të vogla, të vendosura në pjesën jugore të qytetit shkëmbor Perperikon, u zbulua nga arkeologët nën drejtimin e Prof. Nikollaj Ovçarov. Sipas tij, bëhet fjalë për një lagje të tërë që daton nga shekulli XIII-XIV,..
Në rrugën Sofje - Samokov përballë rrjedhës së lumit Iskër, pranë kthesës së madhe piktoreske midis fshatrave Kokaljane dhe Pasarell pranë Urës..
Pjesërisht me re