Qendra rinore "Zahari Stojanov" në qytetin Dobriç (Bullgaria Verilindore) organizon një takim folklorik të komuniteteve me rastin e Ditës Ndërkombëtare të Tolerancës. Qëllimi i eventit, i cili do të mbahet nga sot deri më 17 nëntor të këtij viti, është të edukojë dhe frymëzojë pjesëmarrësit që të perceptojnë dhe praktikojnë tolerancën në jetën e tyre personale dhe publike.

Në kuadër të takimit do të zhvillohet edhe një Panair Kulinar i Bashkësive. Pjesëmarrësit do të ndajnë veshjet tradicionale dhe traditat kulturore të etnive të tyre. Do të mbahet gjithashtu një koncert me interpretues nga komunitetet e përfaqësuara për të promovuar shkëmbimin kulturor, tolerancën dhe mirëkuptimin midis njerëzve me prejardhje të ndryshme.

Ngjarja folklorike bashkon komunitete të ndryshme kulturore që prezantojnë trashëgiminë e tyre përmes muzikës, vallëzimit, kostumeve tradicionale dhe zakoneve, thonë organizatorët.