Numri i të papunëve që kanë filluar punë është rritur me 830, ose 5,9% krahasuar me një muaj më parë. Sipas të dhënave të Agjencisë së Punësimit, në tetor kanë filluar punë gjithsej 14852 persona të papunë. Sipas statistikave të Agjencisë, niveli i papunësisë së regjistruar në Bullgari në tetor mbeti në 5.2%. Ai përkufizohet si përqindja e të papunëve të regjistruar në mesin e popullsisë ekonomikisht aktive të moshës 15-64 vjeç, siç është përcaktuar në regjistrimin e vitit 2021.

Vendet e lira janë më së shumti në sferën e industrisë përpunuese - 26,3%, pasuar nga tregtia - 14,1%, arsimi - 12%, administrata shtetërore - 10,5%, veprimtaritë administrative - 7%, industria e hotelerisë dhe restoranteve - 6,8%. Kërkohen operatorë të makinerive dhe pajisjeve stacionare, punonjës social, shitës, punëtorë ne industrinë minerare dhe përpunuese, ndërtim dhe transport, si dhe punonjës të grumbullimit të mbetjeve, drejtues automjetesh , specialistë biznesi dhe administrativë etj.