Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Përleshje verbale mes palëve pas dështimit të 10-të të zgjedhjes së kryetarit të Kuvendit Popullor

Foto: BTA

Sipas kreut të DPS-Fillimi i Ri, Deljan Peevski, dështimi i provës së dhjetë për zgjedhjen e kryetarit të Legjislaturës së 51-të të Kuvendit Popullor tregon se forcat e tjera politike nuk duan një parlament funksional. Ai theksoi se partia e tij kësaj radhe votoi në mbështetje të kandidates për kryetare nga BSP – E Majta e Bashkuar Natalija Kisellova, për të “zhbllokuar” punën e parlamentit. Mirëpo, Kiselovës nuk i mjaftuan dy vota për t'u zgjedhur. Mbështetja e Peevskit erdhi si befasi pas deklaratave të tij të shumta se ai nuk do të mbështesë asnjë kandidaturë për kryeparlamentar dhe se ky parlament është i rraskapitur dhe duhet të mendohet për zgjedhje të reja.

"Sot u bë e qartë se Natalija Kisellova është kandidatja e Deljan Peevskit. Fatkeqësisht, krahu i gjatë i DPS-së e përqafoi BSP-në dhe i shkatërroi", tha Stanisllav Ballabanov nga ITN pasi u bënë të qarta rezultatet e votimit. Sipas tij, kandidati i ITN-së Sillvi Kirillov është i vetmi kandidat i pavarur për kryetar të Kuvendit Popullor.

Lideri i GERB Bojko Borisov deklaroi se është i befasuar nga mbështetja e “DPS - Fillim i ri” për Natalija Kisellova. Ai siguroi se nuk ishte informuar për bisedimet e zhvilluara nga BSP në këtë drejtim dhe pranoi se GERB-SDS mund të miratojë një taktikë të re.

Vetë Kisellova ishte kategorike se e majta nuk zhvilloi negociata me "DPS - Fillimi i Ri" në kërkim të mbështetjes.




Последвайте ни и в Google News Showcase, за да научите най-важното от деня!

Më shumë nga rubrika

Laura Kövesi dhe Teodora Georgieva

Laura Kövesi zbulon arsyet për procedurat disiplinore kundër Prokurores Evropiane Bullgare

Në një letër drejtuar Unionit të Gjyqtarëve në Bullgari, Kryeprokurorja Evropiane Laura Kövesi njoftoi arsyet për procedurat disiplinore të nisura kundërTeodora Georgieva, një përfaqësuese bullgare në Zyrën e Prokurorit Evropian. "Serioziteti i..

botuar më 25-10-02 9.01.PD

Parashikimi i motit për 2 tetorin 2025

Të enjten , temperaturat minimale do të jenë nga 6 deri në 11°C, në Sofje rreth 5°C. Gjatë ditës situata sinoptike do të jetë e ndërlikuar: me re, erë dhe reshje shiu. Era do të jetë mesatare, ndërsa në Bullgarinë Lindore – e fortë nga..

botuar më 25-10-01 7.35.MD
Bojko Borisov

Autoritetet kërkuan mbylljen e Agjencisë Ekzekutive "Administrata e Transportit Rrugor" pas skandalit me ekipin e Robbie Williams

Udhëheqësit e GERB dhe "DPS - Fillim i Ri" Bojko Borisov dhe Deljan Peevski kërkuan mbylljen e menjëhershme të Agjencisë Ekzekutive "Administrata e Transportit Rrugor". Kërkesa u paraqit pas skandalit me punonjësit e agjencisë të cilët kërkuan ryshfete..

botuar më 25-10-01 5.23.MD