Magjinë e Krishtlindjes do të sjellë Grupi Vokal “Radiodeca” në një koncert kushtuar kësaj feste të ndritshme. Nën drejtimin e dirigjentes Ilina Todorova, formacioni i fëmijëve do të interpretojë këngë të dashura të Krishtlindjeve.

Së bashku me meloditë e preferuara, në koncert do të tingëllojnë edhe dy këngë të njohura për fëmijë të më shumë se një shekulli më parë. Përfshirja e tyre në repertorin e Grupit Vokal “Radiodeca” ka një histori mjaft interesante që lidhet me motrën e poetit Geo Milev Penka Kasabova, e cila në vitet 30-të të shekullit të kaluar ishte drejtoreshë e Kopshtit Amerikan në Sofje.  Gjatë një vizite të saj në Radion Kombëtare Bullgare (BNR) në vitin 1990 Penka Kasabova i këndoi këto këngë nga kujtimet e saj para redaktorëve të Redaksisë së Fëmijëve. Dorotea Petrova, atëherë kryeredaktore në Edicionin për Fëmijët, i regjistroi ato dhe iu drejtua Stefan Ribarov, i cili bëri aranzhimet e tyre të para.

Këtë vit, me ftesë të kryeredaktores aktuale Desisllava Kostantinova, kontrabasisti Dimitër Sirakov, i cili prej shumë vitesh punon me formacionin e fëmijëve, bëri aranzhime të reja bashkëkohore. Ato u incizuan nga Grupi Vokal “Radiodeca” në fillim të vitit 2024. Pikërisht në aranzhimet e tyre të reja do t'i dëgjojë publiku në koncertin e së shtunës.

Lexoni më shumë nga koleksioni i Radio Bullgarisë:

• Grupi Vokal “Radiodeca” me një koncert na kthen në fëmijëri

Redaktore: Diljana Traçev

Përgatiti në shqip dhe publikoi: Svetllana Dimitrova