Më 21 dhjetor, fshati Zmejovo në rajonin e qytetit Stara Zagora shënon festën tradicionale të pelinit. Sipas një tradite të vjetër bullgare, miqtë do të priten me bukë e kripë në sheshin përballë Vatrës së Kulturës, ndërsa për humorin e tyre me një program festiv do të kujdesen mbi 150 amatorë artistikë.

Njëzet mjeshtër në moshë nga 24 deri në 73 vjeç do të marrin pjesë në konkursin për mjeshtrin më të mirë të verës së pelinit.

Festivali i pelinit i kushtohet traditës vendase shumëshekullore që përcillet brez pas brezi. Banorët e fshatit Zmejovo edhe sot e kësaj dite ruajnë me xhelozi sekretet e tyre për të bërë eliksirin aromatik të hidhur. Pra, mbetet një mister i plotë se çfarë barishte, përveç pelinit aromatik, artizanët vendas rregullojnë midis shtresave të ftonjve dhe mollëve në fuçitë 200 litra përpara se t'i derdhin sipër verë të vjetër. Ata që e kanë provuar thonë se kushdo që e ka shijuar këtë eliksir të verës mbetet përgjithmonë i mahnitur nga ëmbëlsia që pija lë në qiellzë, hidhërimi në fyt dhe ndjesia e djegies në stomak.

Meze të holla duhet t'i shtohen gllënjkave pelin - salsiçe të shijshme dhe brinjë derri të butë me shumë erëza.

Përpilues: Diana Cankova

Përgatiti në shqip dhe publikoi: Svetllana Dimitrova

Foto:starazagora.bg