Një miting i madh përkujtimor pranë fshatit Mogiljane, komuna e Kirkovos (Bullgari Jugore), shënoi 40 vjetorin e protestave të turqve bullgarë kundër të ashtuquajturit “Proces i Rilindjes” dhe ndryshimit të detyruar të emrave të tyre. Në mesin e të pranishmëve në miting ishin përfaqësues të katër partive kryesore në fqinjin tonë jugor, Konsulli i Përgjithshëm i Turqisë në Plovdiv, Korhan Kjungerju dhe Mustafa Kara nga Ambasada Turke në Sofje, njoftoi BTA. Kryetari i grupit parlamentar të "Demokracisë, të Drejtave dhe Lirive" – DPS, Xhevdet Çakërov, kujtoi në fjalën e tij për Tjurkjan, vajzën 17 muajshe,  viktimën më të re të Procesit të Rilindjes, 16-vjeçarin Mjumun nga fshati Raven, 17-vjeçarin Sezgin dhe shumë viktima të tjerë të “Procesit të Rilindjes”.

Më 26 dhjetor 1984, në fillim të fushatës së ndryshimit me forcë të emrave të turqve bullgarë gjatë “Procesit të Rilindjes” në përpjekje për t'i asimiluar ata, autoritetet shpërndanë me forcë një demonstratë të banorëve të Mogiljanes, gjatë së cilës Tjurkjan 17 muajshe u vra. Vdekja e saj shkaktoi një rezonancë të fortë në mesin e komunitetit turk dhe më vonë u ndërtua një shatërvan në kujtim të saj.

• 40 vjet pas fillimit të të ashtuquajturit “Proces i Rilindjes”