Më 6 janar, Kisha Ortodokse Bullgare kremton një nga festat më të mëdha të krishtera - Ditën e Jordanit, Pagëzimin e Zotit, Epifaninë, ose Theofaninë  Kjo është dita kur Shën Joan Pagëzori pagëzon Zotin Jezu Krisht në lumin Jordan.

Deri në shekullin IV festa e Epifanisë kremtohej së bashku me Lindjen e Krishtit. Më vonë, Kisha vendosi të festonte dy ngjarjet veçmas - Lindjen e Krishtit më 25 dhjetor dhe Pagëzimin e Zotit më 6 janar. Në kujtim të Pagëzimit të Krishtit në lumin Jordan, në Ditën e Jordanit, shenjtërohen të gjitha trupat ujor dhe nëpërmjet tyre, e gjithë natyra ujore e tokës. Në këtë ditë, sipas traditës, shenjtërohen edhe flamujt luftarakë të Ushtrisë Bullgare, në mënyrë që ajo të marrë bekimin dhe mbështetjen e Zotit.

Bekimi i Madh i Ujit, i quajtur gjithashtu Jordanez për shkak të pagëzimit të Krishtit në lumin Jordan, është vetëm dy herë në vit - më 5 dhe 6 janar -përkatësisht në Vodici dhe Epifani. Shërbesa është solemne dhe shenjtërimi i ujit bëhet pas përfundimit të Liturgjisë Hyjnore. Në të dyja ditët, priftërinjtë shenjtërojnë shtëpitë e besimtarëve me ujë të Epifanisë.

Më shumë hollësi për festën mund të mësoni nga koleksioni i Radio Bullgarisë:

• Në Vigjiljen e Theofanisë ortodoksët përgatiten për Bekimin e Madh të Ujit

• Epifania dhe Dita e Shën Joan Pagëzorit – uji i bekuar i burrave dhe uji i bekuar i grave

• Sot është Dita e Bekimit të Ujit! Të jemi plotë shëndet dhe të na ecë si nëpër ujë!

• Bekimi i madh i ujit – Epifania

Përpiloi: Darina Grigorova
Përgatiti në shqip dhe publikoi: Vesella Mançeva