Për të tretin vit radhazi, fondacioni “Karin Dom” – Varna po organizon iniciativën bamirëse “Çmimet Ivan Stançov” në kujtim të diplomatit bullgar dhe themeluesit të organizatës – ambasadorit Ivan Stançov, njoftoi organizata civile. Më 23 tetor do të ndahen çmimet për biznes të përgjegjshëm, institucion dhe kontribut personal për të ardhmen e fëmijëve.

Në vitin 1996, ambasadori bullgar në Londër, Ivan Stançov, themeloi një fondacion për të ndihmuar fëmijët me nevoja të veçanta. Ai e transformoi shtëpinë e familjes së tij në Kopshtin e Detit në Varna në “Karin Dom” – në emër të kushëririt të tij me paralizë cerebrale, dhe mblodhi një ekip të vogël specialistësh në të, të cilët, me ndihmën e kolegëve nga Anglia, studiojnë metodat më moderne terapeutike. Kështu, çdo vit fondacioni ofron shërbime dhe terapi profesionale për mbi 400 fëmijë dhe familje nga e gjithë vendi.

Mbrëmja do të hapet me një diskutim mbi fuqinë e bamirësisë, vullnetarizmit dhe ndërtimit të një komuniteti të angazhuar pas kauzave kuptimplote. Do të nderohen kompanitë, iniciativat, institucionet dhe personat që kanë kontribuar në bamirësi dhe në të ardhmen e fëmijëve.

Lexoni më shumë në arkivin e Radio Bullgarisë:

• U nda nga jeta një diplomat i famshëm bullgar me shpirt fisnik

• “Karin dom” – shtëpia e fëmijëve specialë

Redaktoi: Diana Cankova

Përgatiti në shqip dhe publikoi: Vesella Mançeva

Foto: karindom.org