Ora e Teatrit të Kukullave është prej 48 vitesh një nga emblemat e qytetit Stara Zagora. Ajo u vu në shfrytëzim në vitin 1977 dhe është e vetmja e këtij lloji në Gadishullin Ballkanik. Për këtë shkruan nga Teatri në faqen në Facebook, pasi “Rrugët e Stara Zagorës” publikuan foto të mrekullueshme të mekanizmit.

Ora u krijua në kohën kur drejtor i teatrit ishte Vasill Apostollov. E gjithë mekanika u projektua dhe u prodhua në Stara Zagora, në Fabrikën e Robotikës "Beroe" dhe është vepër e inxhinierit Bllagoj Ivanov.

Kukullat që janë pjesë e repertorit të teatrit u krijuan sipas dizajnit të piktorit dhe artist të njohur bullgar të teatrit Ljubomir Cakev, i cili u bë drejtor i Teatrit të Kukullave në vitin 1981. Ato u bënë nga duart magjike të piktorëve Emill Ivanov dhe Veselin Nedellçev në atelienë e teatrit. Dekorimi i orës - portat me kulla dhe flamuj – u punua nga Emill Ivanov.

Muzika me të cilën kukullat kërcejnë çdo orë nga 8 e mëngjesit deri në 20 të mbrëmjes u krijua nga kompozitori Petër Stupell.

Orët me një mekanizëm të tillë në Evropë numërohen me gishta, njoftojnë nga teatri.

Foto: Facebook / Rrugët e Stara Zagorës