Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

The New York Times: Bullgaria është ndër destinacionet kryesore për vitin 2025 për shkak të Shengenit, dhe jo vetëm!

6
Lagja e Plovdivit të Vjetër
Foto: bulgariatravel.org

Ku do të na çojë viti i ri? “The New York Times” na ndihmon të nisim udhëtimet tona me propozime nga lista vjetore e 52 vendeve më të mira për t'u vizituar në 2025. Ndër to, Bullgaria shquhet si një destinacion tërheqës që përqendron vëmendjen e udhëtarëve nga e gjithë bota.

Botimi thekson se udhëtimi drejt vendit tonë është bërë më i lehtë se kurrë, falë heqjes së kontrolleve kufitare për vizitorët nga shumica e vendeve të Bashkimit Evropian (në lidhje me aderimin tonë në Shengen nga 1 janari 2025). Gjithashtu, pritshmëritë se Bullgaria do të adoptojë euron do të lehtësojë më tej turistët që vijnë nga jashtë.

Si pikënisje, “The New York Times” rekomandon Sofjen – kryeqytetin e Bullgarisë. Sofja përshkruhet si një udhëkryq i lashtë kulturor dhe shtëpi e "Trekëndëshit të Tolerancës Fetare", ku katedralet katolike, tempujt hebrenj, xhamitë myslimane dhe kishat ortodokse bashkëjetojnë në mënyrë paqësore.

Pikat e tjera kryesore përfshijnë Parkun Kombëtar të Rilës dhe Manastirin mistik të Rilës, të cilët ofrojnë pamje të paharrueshme dhe mundësi ecjeje.

Plovdiv, qyteti i dytë më i madh në vend, është gjithashtu në listën e destinacioneve të rekomanduara me sharmin e tij dhe jetën e gjallë të natës.

Për dashamirët e historisë dhe pamjeve të bukura, rekomandohet Veliko Tërnovo - një qytet me "arkitekturë spektakolare" i vendosur në shkëmbinj të thepisur.

Vendpushimet e Detit të Zi përmenden gjithashtu si vende ideale për relaksim.

“The New York times” përfundon me një rekomandim për lexuesit që të provojnë verërat e nënvlerësuara bullgare, të cilat i japin shije shtesë një udhëtimi tashmë të paharrueshëm.

Renditja e botimit përfshin gjithashtu destinacione ekzotike si Kosta Rika, e njohur për rezervatet e saj natyrore, qyteti plotë gjallëri Kioto në Japoni dhe të tjera. Lista është përpiluar me qëllimin për t'u ofruar udhëtarëve një sërë përjetimesh kulturore, natyrore dhe aventureske.

Bullgaria është në hartën botërore si një destinacion që ofron histori të pasur, bukuri natyrore dhe larmi kulturor, dhe viti 2025 është një kohë e shkëlqyer për ta vizituar atë.

Nëse dëshironi të njihni më mirë vendin tonë, vizitoni faqen shqip të Radio Bullgarisë ku do të gjeni informacion të pasur për rrugët kulturore, monumentet historike dhe natyrore, për të gjitha thesaret e fshehura të Bullgarisë dhe më shumë.


Përpiloi: Veneta Nikollova

Përgatiti në shqip dhe publikoi: Svetllana Dimitrova

Foto: bulgariatravel.org, BTA, Facebook /5MinutiSofia, pdbase.government.bg, Komuna Veliko Tërnovo




Последвайте ни и в Google News Showcase, за да научите най-важното от деня!

Galeria

Më shumë nga rubrika

Carevo dhe qytetet turistike përreth marrin frymë me ritmin e verës edhe gjatë shtatorit

Bregdeti ynë jugor i Detit të Zi vazhdon të presë qindra mijëra pushues edhe pas kulmit të sezonit turistik. Në fillim të shtatorit qytetet turistike ende marrin frymë me ritmin e verës, ndërsa bashkia bregdetare Carevo është përplot me turistë –..

botuar më 25-09-10 7.00.PD

Heraklea Sintika – qyteti antik që lidh natyrën dhe shkencën

“Heraklea Sintika është një trashëgimi natyrore dhe shkencore me rëndësi botërore!” – thekson Katja Stojanova, drejtoreshë e Muzeut Historik në Petriç dhe drejtuese e projektit “Restaurimi, konservimi, ruajtja, popullarizimi dhe zhvillimi i..

botuar më 25-09-08 8.20.PD

Turizmi i verës do ta vendosë Bullgarinë si një destinacion gjatë gjithë vitit

Zhvillimi i turizmit të verës si një produkt strategjik, duke plotësuar fushat e forta tradicionale në turizmin bullgar, i cili mund ta shndërrojë vendin në një destinacion gjatë gjithë vitit, ishte fokusi i takimit të Ministrit të Turizmit Mirosllav..

botuar më 25-09-02 9.59.PD