Opera e Varnës fton të nënshtruarit e Kupidit t’i dhurojnë vetes një mbrëmje muzikore

botuar më 25-02-09 8.30.PD

Foto: TMPC - Varna

Dita e Shën Valentinit zë një vend të veçantë në programin e Operës së Varnës. Pikërisht më 14 shkurt publiku do të ndjekë historinë e madhe muzikore të dashurisë për princeshën kineze Turandot, në operën me të njëjtin emër të Puccinit. Rolin e Princit Calaf e luan tenori Valerij Georgiev, Turandot do të marrë frymë përmes zërit të Joana Zhelezçevës, pjesëmarrës janë edhe orkestra, kori dhe baleti i Operës Shtetërore-Varna dhe kori i Operës për fëmijë dhe të rinj të Varnës.

Si kompliment për publikun gjatë ndërprerjeve të "Turandotit", si dhe shfaqjes muzikore "Fantazma" më 10 shkurt dhe baletit "Liqeni i Mjellmave" më 12 shkurt publikut do t'i ofrohet një gotë verë. Në Opera kanë përgatitur edhe një kënd të veçantë me tematikë për të dashuruarit. Në holl, shikuesit do të mund të takojnë Kupidin dhe të marrin pjesë në një lojë me surpriza dhe çmime. Të kënaqësh një person të dashur me një biletë për një shfaqje të paharrueshme është një nga dhuratat më të mira - kujton ekipi i Operës së Varnës.

Përpiloi: Gergana Mançeva

Foto: Qendra e Prodhimit të Teatrit dhe Muzikës (TMPC)-Varna, BTA-arkiva

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Opera e Varnës fton të nënshtruarit e Kupidit t’i dhurojnë vetes një mbrëmje muzikore

Më shumë nga rubrika

Ylli i muzikës pop bullgare Lili Ivanova do të këndojë para publikut të Plovdivit

Për Shën Cecilian – një koncert në kujtim të organistit virtuoz Janko Marinov

Kryevepra të kulturës muzikore bullgare – “Kalimanku Denku” – një perlë në krijimtarinë e këngëtares Janka Rupkina dhe kompozitorit Krasimir Kjurkçijski

Opera botërore pret një rekord të ri nga bullgarja Sonja Jonçeva