Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Festivali i Kukerave në Shiroka Llëka largon të keqen dhe sjell shëndet dhe begati

Foto: Bashkia Smoljan

Festivali i Kukerave "Pesponedellnik", i cili zhvillohet në Shiroka Llëka të dielën e parë të marsit, shënon fundin e dimrit dhe fillimin e pranverës. Më pas, nën tingujt e kambanave kryhet një rit për të larguar të keqen.

“Këtë vit, mijëra mysafirë nga vendi dhe jashtë pritet të mbërrijnë në fshatin e Rodopeve për këtë festë”, tha Violeta Filipova, eksperte për marrëdhënie me publikun në bashkinë Smoljan.

Tradicionalisht, kukerat, të quajtur "pesjaci", vizitojnë shtëpitë e njerëzve për të sjellë shëndet dhe prosperitet. Më pas i drejtohen sheshit të fshatit, ku kryejnë një ceremoni dasme për nusen dhe kryeplakun, lindje, lërim dhe mbjellje. Besohet se nëse një pesjak të kapërcen, do të kesh fat gjatë gjithë vitit.

Në prag të festës u organizuan koncerte dhe shfaqje nga artistë - ekspozitë me vizatime fëmijësh me temë "Kukeri" si dhe "Eksarku - Shpëtimtari", paraqtja e shfaqjes popullore "Falja", recitim poezish me rastin e festës kombëtare të 3 Marsit, koncert nga nxënës të Shkollës Kombëtare të Artit Popullor në Shiroka Llëka.

Organizatorët e festivalit të Kukerave janë Bashkia e Smoljanit, Bashkia Shiroka Llëka dhe Biblioteka Kombëtare "Eksarku Stefan - 1872".

Përpiloi: Diana Cankova
Foto: Bashkia Smoljan
Përgatiti në shqip dhe publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Ministria e Arsimit dëshiron të bëjë të detyrueshme mësimet е fesë

Ministria e Arsimit dhe e Shkencës do të ofrojë që mësime e fesë të përfshihen në plan-programin e detyrueshëm, duke theksuar kompetencat etike, morale, kulturore dhe historike, deklaroi ministri i arsimit Krasimir Vëllçev para Lidhjes së Mësuesve..

botuar më 25-04-07 7.31.MD

Kanceri i gjirit prek çdo të tetën grua bullgare

Më 7 prill - Dita Botërore të Shëndetit dhe festa profesionale të punonjësve të kujdesit shëndetësor, po e ndalim vëmendjen tuaj te kanceri i gjirit që është sëmundja më e shpeshtë onkologjike te femrat.   Çdo vit zbulohen më shumë se 2 milionë raste..

botuar më 25-04-07 7.05.PD

Java e parë e prillit në Bullgari i është kushtuar pyjeve

Prej një shekulli, pylltarët në Bullgari organizojnë Javën e Pyllit. Një koncert festiv me titull "Një shekull nga përjetësia", më 7 prill, do të shënojë fillimin zyrtar të iniciativave të kushtuara "mushkërive" të Tokës. Mbushen 100 vjet nga..

botuar më 25-04-06 7.30.PD