Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ansambli i Dhomës së Radios Bavareze po viziton Sofjen për Pashkë

Orkestra e Dhomës së Radios Bavareze
Foto: Cantus Firmus

Ndër formacionet prestigjioze – të ftuar specialë në edicionin e 25-të të "Festivalit Evropian të Muzikës" në Sofje – është Orkestra Dhoma e Radios Bavareze me drejtor artistik Radosllav Shulc. Vizita e parë në kryeqytetin tonë e këtij ansambli elitar do të zhvillohet më 14 prill (e hënë), nga ora 19:30 në sallën "Bullgaria" dhe padyshim do të sjellë gëzim për adhuruesit e muzikës klasike në prag të festës më të madhe për të gjithë të krishterët – Ringjallja e Krishtit (Pashkët).


Programi tërheqës i instrumentistëve virtuozë nga Radioja Bavareze, me titull "Përrallë romantike", përfshin muzikë nga kompozitorë italianë dhe sllavë: Vivaldi, Tartini, Dvorzhak dhe Çajkovski, ndërsa solist do të jetë violinisti bullgar me karrierë evropiane Mario Hosen, i cili ndan se është vërtet i emocionuar për paraqitjen e ardhshme, sepse kolegët e tij janë “orkestrantë që jetojnë plotësisht për muzikën. Ata nuk janë thjesht profesionistë që i kryejnë detyrimet e tyre në mënyrë perfekte, por japin shumë emocione dhe qëndrim personal…”. Sipas Hosen, ky ansambël karakterizohet nga një prodhim tingulli jashtëzakonisht homogjen, një qasje e përbashkët ndaj ekspresivitetit instrumental dhe një tingull që mund të përkufizohet si "standardi absolut për muzikën e dhomës".

Radosllav Shulc dhe Mario Hosen

Ansambli ka luajtur në shumë salla prestigjioze botërore, dhe solistët e tij kanë qenë personalitete të famshme si Lang Lang, Julia Fischer, Mischa Maisky, Sabine Meyer, Pinchas Zukerman, Diana Damrau, Igor Levit, Hélène Grimaud, Vadim Repin, Janine Jansen dhe Maxim Vengerov. Drejtori artistik Radosllav Shulc është violinist dhe dirigjent me karrierë të lakmueshme, fitues i konkurseve prestigjioze “Wieniawski” në Poloni, “Sibelius” në Finlandë dhe “Kreisler” në Austri. Në vitin 1992, Shulc është nderuar me Çmimin Memorial “Henryk Szeryng”.

Piero Barbareski

I ftuar special në programin e datës 14 prill do të jetë klavisti italian Piero Barbareschi - interpretues i njohur i muzikës baroke, me veprimtari aktive koncertale si solist dhe si pjesë e ansambleve të ndryshme të dhomës në Itali, Francë, Austri, Zvicër, Gjermani, Belgjikë, Çeki dhe SHBA.

Festivali Evropian i Muzikës organizohet nga “Cantus Firmus” me mbështetje financiare nga Ministria e Kulturës dhe Komuna e Sofjes si pjesë e Kalendarit të ngjarjeve kulturore të Komunës së Sofjes për vitin 2025.

Fotografi: cantusfirmusbg.com

Përgatiti në shqip dhe publikoi: Sindi Nikollofski



Последвайте ни и в Google News Showcase, за да научите най-важното от деня!

Më shumë nga rubrika

Foto: Xhazi nën yje në Pllajën Devetashko (arkiv)

"Xhazi nën yje" në Pllajën Devetashko: Muzikë, natyrë dhe magji për herë të njëmbëdhjetë

Nga 27 deri më 29 qershor, Pllaja Devetashko dhe fshatrat e rajonit janë shndërruar në skenën e festivalit "Xhazi nën Yje".  Edicioni i njëmbëdhjetë i një prej ngjarjeve muzikore më poetike në vendin tonë filloi të premten në mbrëmje, 27..

botuar më 25-06-28 11.20.PD

Panço Vlladigerov – "Klasike dhe romantike"

Nga krijimet e të gjithë kompozitorëve bullgarë, muzika e Panço Vlladigerovit është pa dyshim më e interpretuara si në skenën bullgare, ashtu edhe në atë botërore. Kur muzikantët bullgarë duan të përfaqësojnë atdheun e tyre përmes kujtesës së tij zanore,..

botuar më 25-06-27 6.10.PD

Zornica Petrova këndon për guximin për të fluturuar

Pas vitesh të tëra në skenë në Bullgari dhe në mbarë botën, Zornica Petrova prezanton këngën e saj të parë origjinale - "Fluturo". Sipas Zornicës, kënga "Fluturo" i erdhi vetë. Ajo krijoi muzikën dhe tekstin, ndërsa Shterion Pilidov bëri aranzhimin...

botuar më 25-06-26 6.25.PD