1521 leva (747 euro) janë të ardhurat neto mujore të nevojshme për të mbështetur jetesën e një personi që punon dhe jeton vetëm. Kostoja e jetesës për një familje me 3 anëtarë është 2738 leva (1344). Të ardhurat e nevojshme për jetesën rriten me 3.2% në bazë tremujore dhe me 4.6% në bazë vjetore. Këtë e njoftoi presidenti i Konfederatës së Sindikatave të Pavarura në Bullgari Pllamen Dimitrov në një konferencë për shtyp, në të cilën u prezantuan të dhënat mbi çmimet e konsumit dhe minimumin jetik. Para taksave, një person që punon dhe jeton vetëm duhet të ketë një pagë prej 1960 leva (962 euro). Të dhënat nga shkurti 2025 tregojnë se 1 598 000 persona të punësuar kanë të ardhura të siguruara nën pagën minimale për një punëtor nga një total prej 2 581 000 personash të siguruar. Të ardhurat mesatare të siguruara të punonjësve me kohë të plotë po rriten me 7.8% në bazë vjetore.