Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Grupi vokal "Radiodeca" i BNR-së me një koncert kushtuar kompozitorit të madh bullgar Petër Stupell

Grupi vokal "Radiodeca"
Foto: Ani Petrova

Grupi vokal i dashur nga të gjithë “Radiodeca” (“Radio-fëmijë”) me dirigjente Ilina Todorova do të japë një koncert më 29 prill në studion e parë të Radios Kombëtare Bullgare. I titulluar “Me këngët e Petër Stupelit”, koncerti do të na dërgojë në botën muzikore të njërit prej kompozitorëve më të dashur të brezave të fëmijëve bullgarë me rastin e 102-vjetorit të lindjes së tij.

Përveç ditëlindjes së Petër Stupelit, me këtë koncert “Radiodeca” do të festojë edhe 90-vjetorin e Radios Kombëtare Bullgare.

Më 29 prill do të dëgjojmë këngë ikonike nga Petër Stupell, disa prej të cilave studiohen në programin e detyrueshëm arsimor dhe në tekstet shkollore të muzikës. Gjithashtu do të mësojmë shumë fakte interesante rreth jetës së kompozitorit, kompozimit të këngëve dhe historisë së radios.

“Petër Stupell është një nga themeluesit e produksionit muzikor për fëmijë në Radion Kombëtare Bullgare dhe redaktor muzikor në vazhdim të shumë viteve”, kujton Ilina Todorova.

Ilina Todorova

Së bashku me këngëtarët e vegjël në skenë do të jetë pianisti Mario Angellov - drejtor i departamentit "Prodhim Muzikor dhe Ansamble" në Radion Kombëtare Bullgare.

Në performancën e tij, do të dëgjojmë versionet origjinale për piano të një numri këngësh të preferuara për fëmijë.

Mario Angellov

Lexoni më tepër nga arkivi ynë:
Foto: Ani Petrova - BNR
Përpiloi: Diljana Traçeva
Përgatiti në shqip dhe publikoi: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Më 24 maj, këngëtarja e njohur Lili Ivanova do të këndojë në Sallën “Olimpia” në Paris

Lili Ivanova do të këndojë për herë të dytë në sallën “Olimpia”. Koncerti parashikohet për më 24 maj 2026 dhe zhvillohet nën patronazhin e presidentit Rumen Radev, njofton ekipi i këngëtares më të madh të muzikës bullgare pop. Lili Ivanova..

botuar më 25-11-18 1.44.MD

“Pa ty” – kënga e parë e përbashkët e Grupit “Horizont” dhe këngëtares Mariana Popova

Muzikantët e Grupit “Horizont” dhe këngëtarja Mariana Popova regjistruan një këngë të përbashkët – “Pa ty”. “E njohim Marianën që nga koha kur ajo këndonte në një grup shumë të fortë “Kokomania”. Që atëherë na është bërë e preferuara jonë – me..

botuar më 25-11-18 6.10.PD

Mary Boys Band feston 30 vjetorin me një orkestër të madhe simfonike

Eventi i radhës me të cilin grupi Mary Boys Band shënon 30-vjetorin e tij është një koncert me një orkestër të madhe simfonike në sallën “Bullgaria” në Sofje më 21 nëntor. Këngëtarja në grup, Maria Mutafçieva – Mary, pranon se kjo ka qenë një..

botuar më 25-11-17 6.00.PD