Ideja e një referendumi për euron mbështetet nga 63.3% e bullgarëve kundrejt 35.3% që janë "kundër". Kjo tregohet nga një sondazh i pavarur nga agjencia sociologjike "Mjara", i kryer midis 10 dhe 13 majit midis 803 personave dhe që përfaqëson mendimet e popullsisë së rritur të vendit.

Nëse në Bullgari mbahet një referendum kombëtar me pyetjen "A jeni dakord që Bullgaria të miratojë monedhën e vetme evropiane "euro" në vitin 2026?", 34.4% e të anketuarve tregojnë se do të votonin po/dakord, dhe 54.9% se do të votonin jo/nuk pajtohen. Pjesa tjetër nuk do të votojë ose ngurron.

Të dhënat pasqyrojnë një sërë studimesh që datojnë vite më parë.

Sigurisht, nevojitet shumë më tepër punë informative - veçanërisht në sfondin e miratimit shumë të lartë të bullgarëve ndaj Bashkimit Evropian në tërësi, komentojnë sociologët. Ata kujtojnë se sipas studimeve, bullgarët e vendosin BE-në në vendin e parë për sa i përket qëndrimit pozitiv midis të gjithë faktorëve të mundshëm gjeopolitikë. Qëndrimi pozitiv i bullgarëve ndaj BE-së është 64.4%, ndërsa ai negativ është 25.5%.

Lexoni më tepër nga arkivi ynë:

• Kryeministri dhe Kryetari i Bankës Kombëtare Bullgare mbështetën futjen e euros nga 1 janari 2026

• Çfarë po “thotë” presidenti me propozimin e tij për një referendum mbi futjen e euros në vendin tonë?

Foto: Pixabay

Redaktoi: Miglena Ivanova

Përgatiti në shqip dhe publikoi: Vesella Mançeva