Shumica e bullgarëve janë optimistë për BE-në dhe presin që komuniteti të sigurojë paqen së pari. Kjo tregohet nga të dhënat e Eurobarometrit të paraqitura nga Komisioni Evropian, raporton BTA.

Të pyetur se çfarë masash do të ndërmerrte BE-ja për të përmirësuar jetën në afat të shkurtër, 45 për qind e bullgarëve dhe 44 për qind e qytetarëve të BE-së tregojnë sigurimin e paqes. Shumica prej 78 për qind në BE dhe 73 për qind në Bullgari janë të shqetësuar për mbrojtjen evropiane. 62 për qind e qytetarëve në BE dhe 57 për qind e bullgarëve janë plotësisht optimistë për të ardhmen e BE-së. 51 për qind e bullgarëve dhe 43 për qind e evropianëve kanë një qëndrim plotësisht pozitiv ndaj unionit. 26 për qind në Bullgari dhe 38 për qind e qytetarëve evropianë kanë një qëndrim neutral.

Besimi në BE është 53 për qind në Bullgari dhe 52 për qind në Evropë. 62 për qind e bullgarëve presin që ekonomia e vendit të përmirësohet në 12 muajt e ardhshëm.

Dallimet më të theksuara në opinione janë regjistruar mbi çështjet e luftës në Ukrainë dhe ndihmës evropiane për Kievin. Bullgarët mbeten ndjeshëm prapa qëndrimit të përgjithshëm evropian të mbështetjes.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Parlamenti Evropian - arkiv