Bashkia e kryeqytetit krijon një ekip rinor vullnetar për reagim të shpejtë “SOfia HELPers”. Iniciativa për krijimin e grupeve rinore, të gatshme të ndihmojnë në drejtime të ndryshme dhe në situata krizash, është e drejtorisë “Sport dhe veprimtari rinore” të Bashkisë.
803 të rinj nga mosha 15 deri në 29 vjeç janë përfshirë në një anketë anonime për përcaktimin e interesave të tyre dhe gatishmërisë për t’u përfshirë në veprimtari të ndryshme vullnetare. Ekipet që marrin pjesë në iniciativë do të ndihmojnë të moshuar, fëmijë, të rinj dhe persona me aftësi të kufizuara, do të kujdesen për kafshë në strehimore ose në rrezik, si dhe në fushata për adoptimin e kafshëve të rrugës. Do të marrin pjesë gjithashtu në aksione për pastrim, mbjellje të pemëve, luleve dhe shkurreve.

Të rinjtë kanë shprehur gatishmëri për vullnetarizëm edhe gjatë ngjarjeve kulturore, sportive dhe festivaleve, si dhe për të ndihmuar gjatë krizave, të lidhura me evakuime ose kërkime njerëzish.
Nga bashkia e kryeqytetit theksojnë se çdo i ri midis 15 dhe 29 vjeç, që dëshiron të përfshihet, duhet të dërgojë formularin e anketës dhe deklaratën për përpunimin e të dhënave personale në emailin: mladi@sofia.bg. Për personat nën 18 vjeç kërkohet edhe deklaratë miratimi nga prindi. Pjesëmarrësit në SOfia HELPers do të marrin periodikisht nga bashkia e kryeqytetit buletin me iniciativa dhe misione, në të cilat mund të përfshihen.
Përpiloi: Joan Kolev
Përgatiti në shqip dhe publikoi: Sindi Nikollofski
Foto: Bashkia e kryeqytetit, Pixabay
Të martën temperaturat minimale do të jenë nga 0 deri në 5°, më të larta përgjatë bregdetit të Detit të Zi – nga 8 deri në 11°, ndërsa në Sofje rreth 2°. Gjatë ditës mbi Bullgarinë Jugperëndimore dhe Lindore do të ketë vranësira të shpërndara..
Si një shtet anëtar i BE-së dhe aleat i NATO-s, Bullgaria është gati të marrë pjesë në gjetjen e zgjidhjeve për paqen dhe sigurinë. Ky qëndrim u shpreh nga Kryeministri Rosen Zheljazkov në takimin e sotëm joformal të krerëve të shteteve dhe qeverive të..
Flukset e refugjatëve dhe migrantëve nuk do të pakësohen dhe Bullgarisë i mungon një politikë e unifikuar kombëtare për këto çështje. Nevojitet një institucion udhëheqës për të koordinuar të gjithë procesin e integrimit. Shpërndarja horizontale e..