Bashkia e kryeqytetit krijon një ekip rinor vullnetar për reagim të shpejtë “SOfia HELPers”. Iniciativa për krijimin e grupeve rinore, të gatshme të ndihmojnë në drejtime të ndryshme dhe në situata krizash, është e drejtorisë “Sport dhe veprimtari rinore” të Bashkisë.
803 të rinj nga mosha 15 deri në 29 vjeç janë përfshirë në një anketë anonime për përcaktimin e interesave të tyre dhe gatishmërisë për t’u përfshirë në veprimtari të ndryshme vullnetare. Ekipet që marrin pjesë në iniciativë do të ndihmojnë të moshuar, fëmijë, të rinj dhe persona me aftësi të kufizuara, do të kujdesen për kafshë në strehimore ose në rrezik, si dhe në fushata për adoptimin e kafshëve të rrugës. Do të marrin pjesë gjithashtu në aksione për pastrim, mbjellje të pemëve, luleve dhe shkurreve.
Të rinjtë kanë shprehur gatishmëri për vullnetarizëm edhe gjatë ngjarjeve kulturore, sportive dhe festivaleve, si dhe për të ndihmuar gjatë krizave, të lidhura me evakuime ose kërkime njerëzish.
Nga bashkia e kryeqytetit theksojnë se çdo i ri midis 15 dhe 29 vjeç, që dëshiron të përfshihet, duhet të dërgojë formularin e anketës dhe deklaratën për përpunimin e të dhënave personale në emailin: mladi@sofia.bg. Për personat nën 18 vjeç kërkohet edhe deklaratë miratimi nga prindi. Pjesëmarrësit në SOfia HELPers do të marrin periodikisht nga bashkia e kryeqytetit buletin me iniciativa dhe misione, në të cilat mund të përfshihen.
Përpiloi: Joan Kolev
Përgatiti në shqip dhe publikoi: Sindi Nikollofski
Foto: Bashkia e kryeqytetit, Pixabay
Të mërkurën , temperaturat minimale do të jenë nga 16 deri në 19°. Në Sofje do të jetë 16°. Gjatë ditës do të jetë kryesisht me diell. Pas drekës do të zhvillohen përsëri vranësira mbi Bullgarinë Perëndimore, në Ballkanin Perëndimor dhe Fushën e..
Dy vendet tona kanë një rol të rëndësishëm në lidhjen midis Evropës dhe Azisë përmes Korridorit të Transportit Trans-Kaspik. Kjo u deklarua në Tashkent nga Presidenti Rumen Radev gjatë bisedimeve plenare midis delegacioneve të Bullgarisë dhe..
Bullgaria mori pjesë në forumin ndërkombëtar “Rruga Evropiane e Trashëgimisë së Kripës”. Iniciativa u mbajt nga 5 deri më 8 qershor në Minierën Wieliczka pranë Krakovit në Poloni, njoftoi Instituti Kombëtar Arkeologjik me Muze i Akademisë Bullgare të..
Qyteti i Gabrovos po pret panairin udhëtues të librit "Shtegu i Librit". Eventi do të mbahet nga 12 deri më 15 qershor në zonën qendrore të këmbësorëve..
Më 12 qershor nga ora 20:00 deri në orën 4:00 të mëngjesit më 13 qershor /e premte/, trafiku në Urën e Danubit pranë Ruses do të pezullohet për të gjitha..
Të enjten , temperaturat minimale do të jenë nga 14 deri në 20°. Në Sofje do të jetë 14°. Gjatë ditës do të jetë kryesisht me diell, në mëngjes me..