Të shtunën temperaturat minimale do të jenë nga 10 deri në 17°C. Në Sofje do të jenë 10°C. Gjatë ditës do të mbizotërojë mot kryesisht me diell. Mbi Bullgarinë Lindore vranësirat do të jenë të dendura dhe pasdite, në disa zona, do të ketë reshje të shkurtra shiu të shoqëruara me vetëtima. Do të fryjë erë e lehtë deri mesatare nga veriu-veriperëndimi. Temperaturat maksimale do të jenë ndërmjet 25 dhe 30°C, ndërsa në kryeqytet rreth 25°C.

Në male moti gjithashtu do të jetë kryesisht me diell. Rreth dhe pas mesditës, mbi masivet malore të Bullgarisë Lindore do të zhvillohen re të dendura shiu, të shoqëruara me reshje të shkurtra dhe bubullima. Do të fryjë erë mesatare nga veriu. Temperatura maksimale në lartësi 1200 metra do të jetë rreth 18°C, ndërsa në 2000 metra – rreth 12°C.

Në bregdetin e Detit të Zi, vranësirat do të jenë të dendura, dhe pasdite do të zhvillohen edhe vranësira reshjesh, kryesisht në bregun verior, ku në disa zona priten reshje të shkurtra shiu të shoqëruara me vetëtima. Do të fryjë erë e lehtë deri mesatare nga lindja-juglindja. Temperaturat maksimale të ajrit do të jenë nga 22 deri në 24°C. Temperatura e ujit të detit është 22–23°C. Dallgëzimi i detit do të jetë rreth 2 ballë.

Të dielën moti do të jetë kryesisht me diell. Mundësia për reshje do të jetë e vogël. Temperaturat maksimale do të jenë ndërmjet 25 dhe 30°C.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BGNES