Resortet dimërore “Borovec” dhe “Maljovica” me oferta atraktive gjatë verës

botuar më 25-06-22 7.30.PD

Foto: BTA

Resorti më i vjetër dimëror në vend – “Borovec”, do të hapë sezonin veror më 28 qershor, njofton BTA. Nga kjo datë do të funksionojë edhe teleferiku, i cili do të punojë çdo ditë përveç të hënën dhe të martën. Turistët do të kenë mundësi të shëtisin në parkun “Borolandia” dhe në “Borovec Bike Park”.

Që nga e shtuna – 21 qershor, mysafirët e resortit të Rillës mund të përdorin edhe teleferikun “Sitnjakovo Express”, që nuk do të funksionojë të mërkurën dhe të enjten.

Një përmbledhje e sezonit të kaluar dimëror tregon një interes më të lartë nga turistët ndaj “Borovec” krahasuar me dimrin 2023/2024. Si zakonisht, më të shumtët kanë qenë turistët britanikë, të ndjekur nga vizitorët izraelitë, ata nga vendet ballkanike dhe bullgarët.

Sërish në malin Rilla – kompleksi turistik “Maljovica” gjithashtu ofron argëtime në natyrë gjatë verës. Ndër atraksionet turistike janë qyteti me litarë, slita verore, trampolina etj. Ka gjithashtu edhe guida në këmbë. Organizatorët e aktiviteteve në “Maljovica” shtojnë se gjithnjë e më shumë turistë po zgjedhin të kalojnë verën në mal, dhe tashmë ka shumë rezervime për muajt korrik dhe gusht. Ata gjithashtu e vlerësojnë sezonin e fundit dimëror si më të suksesshmin në disa vite, gjë që padyshim i detyrohet edhe sasisë së madhe të borës që ka rënë gjatë muajve të dimrit.

Ministria e Turizmit raportoi sezonin më të mirë dimëror me mbi 2 milionë turistë të regjistruar

Përpiloi: Cvetana Tonçeva

Përgatiti në shqip dhe publikoi: Kostandina Bello

Foto: BTA, borovets-bg.com, malyovitsa.com

Последвайте ни и в Google News Showcase, за да научите най-важното от деня!

Ndaje

Resortet dimërore “Borovec” dhe “Maljovica” me oferta atraktive gjatë verës

Më shumë nga rubrika

Me një kalendar kulturor do të zgjerohet sezoni turistik veror dhe dimëror

Një renditje botërore e shpalli Banskon resortin më të mirë të skive në Bullgari

Shëtitje në të kaluarën – fshati Medven dhe shtëpitë e tij prej druri që i rezistojnë kohës