Më 24 qershor, Kisha Ortodokse kremton me nderim të madh Lindjen e Shën Gjon Pagëzorit, i njohur në traditën popullore si Enjovden. Ky është një nga shenjtorët më të mëdhenj të krishterimit, i vlerësuar menjëherë pas Hyjlindëses Mari, si më i madhi ndër të lindurit nga gratë.
Në kalendarin kishtar ortodoks, vetëm tri lindje kremtohen me solemnitet: Lindja e Zotit tonë Jezu Krisht, Lindja e Hyjlindëses Mari dhe Lindja e Shën Gjon Pagëzorit. Kjo dëshmon rëndësinë e jashtëzakonshme të misionit të tij në historinë e shëlbimit.
E quajmë Shën Gjonin “Pararendës”, sepse ai u dërgua nga Perëndia për të përgatitur rrugën për ardhjen e Mesisë. Me predikimin e tij të pendesës dhe me pagëzimin në ujërat e limitJordan, ai thirri popullin drejt kthimit në Perëndi. E quajmë “Pagëzuesi”, sepse ishte ai që, me dorën e tij të shenjtë, pagëzoi vetë Shpëtimtarin tonë Jezu Krisht në lumin Jordan, duke dëshmuar për Të si Birin e Perëndisë.
Në trashëgiminë e popullit tonë, kjo ditë nderohet gjithashtu si festa e bimëve mjekësore, që sipas besimit popullor, pikërisht në Enjovden marrin hirin dhe fuqinë shëruese që Perëndia u ka dhënë për të ndihmuar njeriun në sëmundje dhe vuajtje.
Lexoni më shumë nga arkivi i Radio Bullgarisë:
Redaktoi: Darina Grigorova
Përgatiti në shqip dhe publikoi: Svetllana Dimitrova
Foto: arkiv, BTA, BGNES
Më 14 shtator, Kisha Ortodokse Bullgare përkulet me nderim para Kryqit mbi të cilin u kryqëzua Jezu Krishti. Lartësimi i Kryqit të Nderuar të Zotit, (Krëstovden), është një nga 12 festat e mëdha të krishtera dhe gjithashtu një nga katër ditët në..
Ëmbëlsira “Garash” është një tortë me një histori shumë interesante, që meriton vëmendjen si të pasionuarve pas historisë, ashtu edhe të dashamirësve të shijes së saj të padiskutueshme. Krijuesi i saj është austro-hungarezi Kosta Garash. Sipas..
Më 11 shtator 1930, në fshatin Tvërdica të rrethit të Burgasit, lindi Nikolla Stançev Nikollov – mundës në stilin klasik dhe të lirë. Në Lojërat Olimpike të vitit 1956 në Melburn, ai fitoi medaljen e parë të artë olimpike për Bullgarinë, në..