Vendimet përfundimtare për pranimin e Bullgarisë në eurozonë nga 1 janari i vitit të ardhshëm po votohen sot nga Parlamenti Evropian në Strasburg dhe Këshilli i BE-së në Bruksel, pas një procesi që ka zgjatur dekada.
Bullgaria dorëzoi kërkesën për anëtarësim në Bashkimin Evropian, e mbështetur unanimisht nga Kuvendi Popullor, në dhjetor të vitit 1995.Fillimi i rrugës drejt aplikimit të euros dhe anëtarësimit të plotë të Bullgarisë në eurozonë u vendos më 25 nëntor 2004 me nënshkrimin e marrëveshjes për veprime të përbashkëta për përshpejtimin e anëtarësimit të Bullgarisë në Bashkimin Ekonomik dhe Monetar dhe për vendosjen e suksesshme të euros në vend. Marrëveshja u nënshkrua nga ministri i atëhershëm i financave, Milen Vellçev, dhe guvernatori i Bankës Popullore Bullgare, Ivan Iskrov, kujton agjencia BTA. Marrëveshja përfaqësonte angazhimin e Bullgarisë që, me hyrjen në BE më 1 janar 2007, të përgatiste edhe adoptimin e euros. Më 25 prill 2005, Bullgaria dhe Rumania nënshkruan marrëveshjen e anëtarësimit në Bashkimin Evropian. Nga pala bullgare marrëveshja u nënshkrua nga presidenti Georgi Parvanov, kryeministri Simeon Sakskoburgotski, ministri i jashtëm Solomon Pasi dhe ministrja për çështjet evropiane Meglena Kuneva. Më 1 janar 2007, Bullgaria dhe Rumania u bënë zyrtarisht anëtarët e 26-të dhe 27-të të BE-së.
Fillimi i përgatitjes praktike për vënien e euros në Bullgari u vendos me krijimin e Këshillit Koordinues për përgatitjen e vendit për anëtarësim në eurozonë, me Vendimin nr. 168 të Këshillit të Ministrave, të datës 3 korrik 2015. Më 12 korrik 2018, në një takim në Bruksel, Belgjikë, ministrat e vendeve të eurozonës shprehën gatishmërinë për pranimin e Bullgarisë në të ashtuquajturën "dhomë pritjeje" të monedhës së përbashkët evropiane. Hyrja e Bullgarisë në këtë mekanizëm (ERM II) u realizua në vitin 2020. Fillimisht, data e synuar për vendosjen e euros ishte 1 janar 2024, por procesi u shty në kohë. Në gusht të vitit 2024, Kuvendi Popullor miratoi përfundimisht Ligjin për aplikimin e euros në Bullgari. Ky ligj rregullon parimet, rregullat dhe procedurat për zëvendësimin e levës me euron si njësi monetare zyrtare të Bullgarisë.
Raportet e konvergjencës të kërkuara nga Bullgaria këtë vit dhanë një vlerësim pozitiv për gatishmërinë e vendit për t’u anëtarësuar në eurozonë.
Lexoni më shumë mbi temën:
Përgatiti në shqip dhe publikoi: Svetllana Dimitrova
Foto: Reuters
Anija ushtarake kërkimore-shkencore bullgare “Shenjtorët Kirill dhe Metodij” (NIK 421) do të niset për herë të katërt drejt Antarktidës më 7 nëntor, njoftoi për agjencinë BTA komandanti i saj, kapiteni i rangut të dytë Radko Muevski, i cili do të..
Inflacioni vjetor në gusht ishte 5.3%, i njëjtë me atë të korrikut, sipas të dhënave nga Instituti Kombëtar i Statistikave. Rritja mujore e kostos së jetesës në gusht ra në 0.1%, ndërsa në korrik krahasuar me qershorin ishte 1.7%. Inflacioni i..
Festivali i hudhrës mbahet më 21 dhe 22 shtator në stadiumin e fshatit Dollni Rakovec, komuna Radomir, rajoni Pernik. Ngjarja promovon prodhimin tradicional të hudhrës në këtë vendbanim. Falë kushteve të favorshme të tokës dhe klimës, në Dollni..
Fondi Monetar Ndërkombëtar (FMN) rekomandoi që nga viti 2026 në Bullgari të rriten kontributet shoqërore dhe taksat mbi pronën. Kjo u bë e ditur gjatë..
Të shtunën temperaturat minimale do të jenë nga 8 deri në 16°, në lugina dhe ultësira të veçanta - midis 6° dhe 9°, në Sofje - 8°. Gjatë ditës do të..
Festivali i hudhrës mbahet më 21 dhe 22 shtator në stadiumin e fshatit Dollni Rakovec, komuna Radomir, rajoni Pernik. Ngjarja promovon prodhimin..
Mot i kthjellët
Vranësira të dendura
Pjesërisht me re