Ministria bullgare e Punëve të Jashtme doli me një qëndrim pas thirrjes së ambasadorit bullgar në Shkup në Ministrinë e Jashtme të Maqedonisë së Veriut. Pala verimaqedonase shprehu një protestë zyrtare para ambasadorit Zheljazko Radukov, pasi kryeministri i Maqedonisë së Veriut, Hristijan Mickoski, u ndje i ofenduar nga një deklaratë e ministrit të jashtëm bullgar, Georg Georgiev, dhënë për televizionin privat bTV. Në Shkup janë të pakënaqur që pala bullgare shfrytëzoi shprehjen “kryeministri verimaqedonas” për Mickoskin.
Ambasadori Radukov shprehu habinë lidhur me arsyen për thirrjen e tij, veçanërisht në sfondin e një sërë mesazhesh dhe veprimesh jomiqësore nga përfaqësues të pushtetit në Shkup gjatë muajve të fundit. Ai theksoi në mënyrë të qartë se në hapësirën publike, autoritetet zyrtare në Shkup në mënyrë sistematike dhe të qëllimshme tregojnë mungesë respekti ndaj shtetit tonë dhe ndaj Bashkimit Evropian, thuhet në qëndrimin e Ministrisë së Punëve të Jashtme të Bullgarisë."Bullgaria nuk do të tolerojë gjuhë urrejtjeje, sulme personale dhe minimin e qëllimshëm të marrëdhënieve midis dy vendeve. Deklaratat e tilla nga autoritetet zyrtare të Maqedonisë së Veriut krijojnë një klimë armiqësie dhe nuk tregojnë vullnet politik për t’u rikthyer në një dialog normal, me respekt dhe konstruktiv", thuhet më tej në deklaratën zyrtare.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: BTA
Fshati Hotanca, në komunën e Rusës, është mikpritës i “Festës së Dollmës së Hotancës” – një festival kulinar dhe folklorik, i organizuar nga Biblioteka kulturore “Svetlina-1928”. Aktiviteti fillon sot në orën 11:00, në sheshin qendror të fshatit. Programi..
Transporti hekurudhor i pasagjerëve në BE u rrit me 5.8% gjatë vitit 2024, sipas të dhënave të fundit të publikuara nga Agjencia Statistike Eurostat. Vitin e kaluar, me tren u realizuan 443 miliardë kilometra-pasagjer (pkm), që është niveli më i lartë..
Të shtunën , temperaturat minimale do të jenë nga 3 deri në 8°, në bregdetin e Detit të Zi - deri në 10°, në Sofje - do të jetë rreth 3°. Gjatë ditës do të jetë me diell me re të larta të shpërndara, para mesditës në vende të rrafshnalta do të ketë..
Në vitin 2024, 8.2% e personave të moshës 18 vjeç e lart që deklaruan se punonin (të punësuar ose të vetëpunësuar) në BE ishin në rrezik varfërie, sipas..
Popullatat e shqiponjës së kryqëzuar, shqiponjës së zezë, shqiponjës ballëbardhë dhe shqiponjës egjiptiane në parqet natyrore “Vraçanski Ballkan”, “Gurët..
Po bie ndjeshëm besimi i bullgarëve në lidhje me financat e tyre personale. Këtë e tregon një anketim i Agjencisë Sociologjike “Mjara”, i zhvilluar midis..
Vranësira të dendura me shi
Reshje