Një lider global në prodhimin e pajisjeve për kirurgji të robotizuar dhe minimale invazive hapi zyrtarisht një bazë të re prodhimi në qytetin Përrvomaj, në qarkun e Plovdivit, si pjesë e zgjerimit të planifikuar në Evropë, njofton BNR Plovdiv. Në objektin e ri të një kompanie amerikane, në rajonin e Plovdivit, do të prodhohen endoskopë 3D dhe komponentë mikroskopikë optikë për sistemet da Vinci – një platformë kirurgjie të robotizuar që përdoret nga afro 90 000 kirurgë në mbarë botën. Kjo është fabrika e parë e kompanisë në Bullgari dhe e treta në Evropë, pas Gjermanisë. Investimi arrin në 42 milionë euro.

“Bullgaria dallohet për kapacitetin e saj të dëshmuar në prodhimin optik, pozicionin strategjik gjeografik dhe aksesin e qëndrueshëm në talente inxhinierike”, theksoi Harald Heigis, drejtor i përgjithshëm i kompanisë për Evropën.

Në fabrikë u punësuan tashmë mbi 110 punonjës, me mundësi zgjerimi deri në 300 vende pune.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BNR - Plovdiv