Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

80 vjet nga Hiroshima: një gur dëshmitar i bombardimeve përcjell nga Sofja një thirrje për paqe

Foto: earthandman.org

Në vitin 2025 shënohen 80 vjet nga bombardimi atomik mbi qytetin japonez Hiroshima. Sipas traditës, në shenjë solidariteti me viktimat e sulmit, çdo vit më 6 gusht shoqëria bullgare ka mundësi të shohë një relikte unike – “Guri nga Hiroshima”. Ai është pjesë e koleksionit të vlefshëm të Muzeut Kombëtar “Toka dhe Njerëzit” në Sofje dhe ekspozohet në sallën “Kristalet Gjigante”.

Ky është një nga gjithsej 188 cope graniti, të gdhendura me imazhin e perëndeshës së mëshirës Kannon, të cilat shpërndahen nëpër botë si simbole të paqes. Guri ka qenë pjesë e kalldrëmit të tramvajit në Hiroshima dhe ndodhej 200 metra larg vendit ku ra bomba. Por si u bë që ai të përfundojë në Bullgari? — do të pyesë auditori kureshtar.

Dy javë pas ngjarjes tragjike në Hiroshima, në qytet shkoi Reikijo Umemoto për të takuar miqtë e tij të mbijetuar. Shumica e ndërtesave në qytet ishin djegur plotësisht. I tronditur nga pamja, Umemoto ecte mbi urën Ajoi-bashi, rreth 200 metra larg vendit të shpërthimit, ku kalonte linja e tramvajit. Një erë e fortë papritmas fshiu hirin që ishte nën këmbët e tij, dhe ai pa se kalldrëmi mbi të cilin ishin vendosur shinat – dëshmitarë të heshtur të ferrit bërthamor – kishte mbijetuar. Atëherë në zemrën e tij lindi ideja që këto gurë të shërbenin për ruajtjen e paqes dhe të ishin në kujtim të të gjitha viktimave të bombës atomike, duke u bërë themelues i Shoqatës “Guri për paqe”.

Në vitin 1965, kur kalldrëmi u zëvendësua, ai bleu gurët, dhe pas disa viteve, kur copat e granitit nuk ishin më radioaktive, mbi ta u gdhend imazhi i perëndeshës së mëshirës. Në vitin 1991, 188 gurët u shpërndanë tek udhëheqësit e 188 vendeve në botë si simbol i aspiratës për paqe të gjithë njerëzimit.

“Guri i Hiroshimës” iu dorëzua Muzeut “Toka dhe Njerëzit” në vitin 1997 nga presidenti i Bullgarisë, me angazhimin që “Dita e Mëshirës” të shënohet në mënyrë të përshtatshme.

Ngjarja në Muzeun “Toka dhe Njerëzit” do të zhvillohet sot, më 6 gusht, nga ora 10:00 deri në 18:00, ndërsa nga ora 11:00 deri në 12:00 hyrja do të jetë falas. Nga ora 11:00 do të luajë pianisti japonez Yusuke Hosaka.

Lexoni më shumë nga arkivi i Radio Bullgarisë:


Teksti: Miglena Ivanova

Përgatiti në shqip dhe publikoi: Svetllana Dimitrova

Foto: earthandman.org




Последвайте ни и в Google News Showcase, за да научите най-важното от деня!

Më shumë nga rubrika

Ilijana Jotova

Nënpresidentja e shtetit: Besimi i krishterë dhe shkrimi kanë ruajtur popullin tonë për 12 shekuj

Falë kristianizimit, shkrimit dhe gjuhës, populli bullgar dhe Bullgaria mbetën në kujtesën e Evropës edhe atëherë kur shteti bullgar zhdukej për shekuj të tërë nga harta politike e Kontinentit të Vjetër. Pagëzimi dhe krijimi i shkrimit bullgar kanë..

botuar më 25-09-24 3.43.MD

Hebrenjtë në Bullgari dhe në mbarë botën festojnë Vitin e Ri

Mbrëmjen e 22 shtatorit filloi Viti i Ri Hebraik – Rosh Hashana. Sipas kronologjisë së Torës, nisi viti 5786 nga krijimi i botës. Sipas besimit hebraik, në këtë ditë Zoti krijoi njeriun e parë, Adamin. Sipas traditës hebraike, në dhjetë ditët që..

botuar më 25-09-23 11.28.PD

Himni i Pavarësisë për herë të parë u dëgjua në Burgas

Për herë të parë, Himni i Pavarësisë u dëgjua më 22 shtator 1908 në qytetin bregdetar të Detit të Zi, Burgas. Autori i melodisë dhe tekstit – dirigjenti ushtarak Georgi Shagunov – ka shënuar në faqen e parë të partiturës se himni është shkruar dhe..

botuar më 25-09-22 6.05.PD