Falë kristianizimit, shkrimit dhe gjuhës, populli bullgar dhe Bullgaria mbetën në kujtesën e Evropës edhe atëherë kur shteti bullgar zhdukej për shekuj të tërë nga harta politike e Kontinentit të Vjetër. Pagëzimi dhe krijimi i shkrimit bullgar kanë formuar shtetësinë bullgare dhe vetë popullin bullgar. Këtë e deklaroi nënpresidentja Ilijana Jotova gjatë një forumi shkencor në Akademinë Bullgare të Shkencave, kushtuar 1160-vjetorit të pagëzimit të popullit bullgar, 1170-vjetorit të krijimit të alfabetit glagolitik dhe 1140-vjetorit të ndarjes nga jeta të Shën Metodij.

Ajo theksoi se me pranimin e krishterimit nga populli bullgar në vitin 865, shteti bullgar hyri në një fazë krejtësisht të re të zhvillimit të tij politik dhe kulturor dhe u shndërrua në një faktor të rëndësishëm në mbarë Evropën.

Veprimtaria u organizua nga Fondacioni Ndërkombëtar "Shenjtor Kirill dhe Metodij", Patrikana Bullgare, Akademia Bullgare e Shkencave (BAS), Universiteti i Sofjes "Shën Kliment Ohridski" dhe Këshilli i Rektorëve të institucioneve të arsimit të lartë në Bullgari.

Nënpresidentja e shtetit është kujdestare e festimeve kushtuar 1170-vjetorit të krijimit të alfabetit të parë sllav, atij glagolitik, nga vëllezërit e shenjtë Kirill dhe Metodij.

Lexoni më shumë në arkivin e Radio Bullgarisë:

• Kur u krijua alfabeti gllagolik?

• Shenja nga e kaluara - çfarë tjetër nuk dimë për alfabetin glagolitik?

• Rrethi, trekëndëshi dhe kryqi – sekretet e alfabetit glagolitik marrin jetë në punëtoritë për fëmijë

• Prof. Konstantinos Nihoritis për shkronjat bullgare dhe Vëllezërit e Shenjtë Kirill dhe Metodij

• Festojmë 1160 vjetorin e krijimit të alfabetit glagoli

• 1150 vjet nga fillimi i Misionit të Moravisë së Madhe të Shenjtorëve Kiril dhe Metodi

• Vëllezërit e Shenjtë Kirill dhe Metodij – mbrojtësit e Evropës

• Alfabeti bullgar – trashëgimi kulturore me vlerë të jashtëzakonshme

• Shpirti i mësuesve të parë sllavë na thërret afër brigjeve të Moravisë

• 24 maji – festa e mësuesve dhe edukatorëve të parë sllavë

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BTA