Një marshim i quajtur “Kambana e Paqes” po kalon nëpër Bullgari. Iniciativa vjen nga një shoqatë gjermane me të njëjtin emër. Pjesëmarrësit besojnë fort se njerëzit e zakonshëm duhet të bëjnë gjithçka që munden për të ruajtur paqen, sidomos në kohë kur ka shumë luftëra dhe politikanët flasin për luftë. Kështu u shpreh për agjencinë BTA në Kozlloduj një nga organizatorët, Andreas Kunka.
Grupi prej rreth 20 vetash, me 5 kuaj të bardhë dhe 4 poni, nisi më 8 maj nga Porta e Brandenburgut në Berlin. Ata mbajnë një kambanë të derdhur nga gëzhojat e plumbave dhe bronzi. Në të është e gdhendur një pëllumb dhe fjala “paqe” në disa gjuhë, përfshirë edhe bullgarishten. “Tashmë kemi kaluar nëpër Gjermani, Çeki, Sllovaki, Austri, Hungari, Rumani dhe tani po kalojmë nëpër Bullgari. Do të vazhdojmë nëpër Turqi, Siri, Jordani, për të mbërritur në Jerusalem”, shpjegoi Ines Vitter nga Berlini.
Marshimi pritet të përshkojë rreth 5000 kilometra. Nisma financohet nga donacione dhe nga vetë mjetet e vullnetarëve.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: BTA
"Gëzimi që shihni në sytë e njerëzve që keni ndihmuar nuk mund të përshkruhet me fjalë, duhet të përjetohet!" Kjo u nda nga Veneta Terzieva dhe Valentin Grigorov në Ditën e Iluministëve të Popullit më 1 nëntor. Të dy kanë ndihmuar bullgarë të..
Nga 1 janari 2026, tarifa për lëshimin e një karte identiteti me një periudhë vlefshmërie prej 10 vitesh për një person të moshës 18 deri në 70 vjeç do të jetë 15.34 euro (30 leva), sipas një Dekreti të Këshillit të Ministrave për ndryshimin e..
Me bekimin e Sinodit të Shenjtë të Kishës Ortodokse Bullgare, në faqen zyrtare të Patrikanës që nga data 1 nëntor është i disponueshëm një aplikacion celular për besimtarët. Në versionin e parë, aplikacioni përfshin seksione kryesore si: “Bibla –..
Urë midis botëve përfaqëson në vetvete projekti “Karizma e bullgarit”. Me të Dimitrinka Jordanova Komanduçi – psikologe, psikoterapeute, trajnere vokale..
Reshje
Diell, re, shi, bubullime
Vranësira
Reshje intensive