Një kompani bullgare po zgjeron prodhimin e saj të makinave prerëse me lazer në Parkun Industrial Sofje – Bozhurishte, njoftoi Ministria e Ekonomisë. Investimi kap vlerën prej 2 milionë leva (mbi 1 milion euro).

Kompania do të ndërtojë një ndërtesë të re me ambiente prodhimi dhe magazinimi në një sipërfaqe shtesë prej 2.6 dynymësh. Projekti parashikon gjithashtu fillimin e një prodhimi të ri – makinave galvanometrike me lazer.

Firma u themelua në vitin 1994 dhe, përveç prodhimit të makinave, ofron edhe shërbime gdhendjeje, prerjeje dhe prodhim stampash. Në vitin 2023, kompania realizoi mbi 2 milionë leva të ardhura dhe prej vitit 2017 operon në territorin e Parkut Industrial në Bozhurishte.

Përpiloi: Joan Kolev

Përgatiti në shqip dhe publikoi: Svetllana Dimitrova

Foto: investbg.government.bg