Bullgaria ka mundësinë të nxjerrë përfitimin maksimal nga anëtarësimi në eurozonë, por kjo kërkon disiplinë fiskale të forcuar, menaxhim efektiv të rreziqeve të tranzicionit dhe përshpejtim të reformave strukturore. Këto janë rekomandimet kryesore të misionit të Fondit Monetar Ndërkombëtar (FMN), të prezantuara sot nga Fabian Bornhorst dhe të cituara nga BTA. PBB-ja pritet të rritet me rreth 3% në vitet 2025-2026, e mbështetur nga konsumi privat dhe kreditimi. Inflacioni do të ngadalësohet, por do të mbetet rreth 3.5%. Shkaku për këtë është rritja e kostove të punës - pagat po rriten më shpejt se produktiviteti, gjë që çon në një tkurrje të marzheve të fitimit dhe rrit transmetimin e rritjes së pagave në çmime.

Rekomandohen investime në kapitalin njerëzor, përmirësimi i sundimit të ligjit, forcimi i konkurrencës në prokurimet publike dhe reformat në sektorin e energjisë.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA