Që prej vitit 1980, bota e feston 27 shtatorin si Ditën Botërore të Turizmit.Ajo shoqërohet me përvjetorin e miratimit të statutit të Organizatës Botërore të Turizmit në vitin 1970. Një numër vendbanimesh bullgare organizojnë ngjarje të veçanta, megjithëse në Bullgari, më shpesh si Dita e Turizmit festohet 27 gushti - data në të cilën, në vitin 1895, shkrimtari Aleko Konstantinov inicioi ngjitjen e parë të organizuar në Çerni Vrëh (maja më e lartë e malit Vitosha) dhe themeloi Klubin e Turistëve Bullgarë.

Shtëpia e parë turistike në vendin tonë ishte "Skakavica" në malin Rilla, e ndërtuar në vitet 1920. Që nga viti 1957, Bullgaria është anëtare e Unionit Ndërkombëtar të Turizmit dhe e Organizatës Botërore të Turizmit (që nga viti 1975). Çdo bullgar është krenar për dhjetë Vendet e Trashëgimisë Botërore të UNESCO-s, shtatë prej të cilave janë monumente kulturore dhe tre kuriozitete natyrore.

• Shikoni se cilët janë 7 monumentet bullgare të kulturës në listën e UNESKO-s

• Euronews: Bullgaria është një destinacion ideal për turizmin gjatë gjithë vitit me plazhet e saj të arta dhe majat e mbuluara me borë

• Një tabloid britanik i këshillon lexuesit të zbulojnë brendësinë e Bullgarisë

Qoftë për Ditën e Turizmit apo thjesht për të kënaqur sytë dhe shpirtin tuaj me diçka të bukur, 27 shtatori është një ditë e shkëlqyer për të udhëtuar në cepa të ndryshme të Bullgarisë. Peizazhet e vjeshtës dhe ngjarjet e shumta vendase janë një shpërblim për turistët, dhe ne ju japim disa ide për destinacione turistike:

• Festa e Balonave mbi Bellogradçik do të zgjasë një muaj të tërë

• "Gradishte" – një park përrallor mes mistereve prej guri në Rodopet Perëndimore

• "Bullgaria Lend" – një shëtitje përmes shekujve në zemër të Pravecit

• Heraklea Sintika – qyteti antik që lidh natyrën dhe shkencën

• Në fshatin Enina tani ndodhet një muze kushtuar heroit letrar Baj Gano

Përpiloi: Ivan Gergov

Përgatiti në shqip dhe publikoi: Vesella Mançeva

Foto: freepik.com, bg.wikipedia.org, BTA, avgustiada.com