Aktualisht, nga gati 8000 fëmijë të privuar nga kujdesi prindëror, vetëm 850 kanë leje për birësim të plotë. Kjo u njoftua nga Zëvendësministri i Punës dhe Politikës Sociale Ivan Krëstev në një tryezë të rrumbullakët në Sofje, duke sakëtsuar se nga këta gati 8000 fëmijë, rreth 3700 janë vendosur te të afërmit dhe miqtë, ndërsa pjesa tjetër janë në familje kujdestare ose në qendra akomodimi të tipit familjar.

"Ne jemi të detyruar si institucione dhe si shoqëri të flasim më shumë për mundësinë që u jepet disa fëmijëve dhe u merret të tjerëve, për të gjetur familjen e tyre", komentoi Krëstev, cituar nga BTA. Ai u shpreh në mbështetje të "dhënies së fëmijëve një mundësie më të hershme për t'u birësuar" kur riintegrimi në familjen biologjike është i pasuksesshëm. Aktualisht, puna për riintegrimin e fëmijës në familje zyrtarisht zgjat 2 vjet, por shpesh kjo periudhë tejkalohet ndjeshëm.

U theksua se ka edhe raste birësimi në të cilat shoku që përjeton fëmija është serioz.

Lexoni më shumë në arkivin e Radio Bullgarisë:

• Fëmijët e birësuar tani do të mësojnë më lehtë për origjinën e tyre

• Lidhja „adoptuesi – i birësuari“ është në qendrën e vëmendjes së institucioneve sociale

• Po rritet numri i adoptimeve

• Zgjedhja jetike “prindër strehues”

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Pixabay, BTA