Ministria e Punës dhe Politikës Sociale propozon që nga viti i ardhshëm paga minimale të bëhet 1213 leva ose 620,20 euro – 136 leva më shumë se aktualisht (1077 leva), deklaroi ministri i punës dhe politikës sociale, Borisllav Gucanov, pas mbledhjes së Këshillit Kombëtar për Bashkëpunim Trepalësh. Në këtë takim nuk u arrit konsensus, pasi Shoqata e Kapitalit Industrial dhe Dhoma Ekonomike e Bullgarisë këmbëngulën që paga minimale të mos rritet. “Besojmë se ngrirja e të ardhurave dhe refuzimi për të rritur pagën minimale në situatën aktuale do të ishte e papranueshme. Kjo nuk është vetëm mendimi im personal, por edhe qëndrimi i gjithë ekipit në Ministrinë e Punës dhe Politikës Sociale”, theksoi ministri, sipas agjencisë BGNES.
Borisllav Gucanov paraqiti të dhëna nga Eurostat për të mbështetur nevojën për rritje të të ardhurave. “Aktualisht, Bullgaria është në vendin e fundit në Bashkimin Evropian me një pagë minimale prej 551 eurosh, ndërsa Hungaria është e parafundit me 707 euro – që është 28% më shumë se paga minimale në vendin tonë.” Ai shtoi se njerëzit në Bullgari kanë nevojë për qetësi dhe të shohin se shteti kujdeset për ta.
Redaktoi: Diana Cankova
Përgatiti në shqip dhe publikoi: Svetllana Dimitrova
Foto: BGNES
Duke pasur parasysh numrin në rënie të popullsisë në vend, Këshilli Fiskal rekomandon qeverisë të ndërmarrë masa për kursime në Buxhetin 2026. Masat janë: ulja e administratës komunale përmes bashkimit të komunave; optimizimi i numrit të policisë;..
Banka Popullore Bullgare raporton një rritje të mprehtë të depozitave të reja të familjeve. Veçanërisht i theksuar është rritja e depozitave në euro. Vetëm për një muaj janë depozituar në llogari me afat shuma me vlerë 334 milionë leva (mbi 161 milionë..
Rritja vjetore e Prodhimit të Brendshëm Bruto të vendit tonë do të mbetet në një nivel prej mbi 3% në periudhën 2025-2027, parashikon siguruesi i kredive tregtare “Allianz Trade” në raportin e tij, raporton BTA. Kjo do të thotë që ekonomia bullgare do..
Pjesërisht me re
Mot i kthjellët