Nuk do të kemi më kuorum në parlament. Kjo u deklarua nga Bojko Borisov, kreu i GERB, partisë që mban mandatin e qeverisë së zgjedhur nga shumica parlamentare. Fjalimi para grupit parlamentar të partisë dhe Kryeministrit Rosen Zheljazkov u transmetua drejtpërdrejt në Facebook.

"Ne nuk do ta prishim koalicionin, por nuk do të qëndrojmë kështu," tha Borisov. "Peevski nuk është në qeveri, ose nëse ai hyn zyrtarisht - çfarëdo që të thonë atje në Këshillin e Përbashkët të Qeverisjes, unë do të gjykoj për GERB nëse është e drejtë apo jo," tha gjithashtu kreu i GERB. "Kryeministri duhet të jetë gati për riformatim, duke përfshirë Kryetarin e Asamblesë Kombëtare," theksoi Borisov. Zemërimi i politikanit u provokua nga performanca e dobët e GERB në zgjedhjet e pjesshme lokale në qytetin rajonal të Pazarxhikut. 

Kreu i "DPS - Fillimi i Ri" Deljan Peevski, deklaroi në një deklaratë zyrtare të partisë, gatishmërinë e saj për t'u bashkuar zyrtarisht me qeverinë e vendit. Sipas Peevskit, ata do të dërgojnë një ekip për negociata me kryeministrin Rosen Zheljazkov, raporton BTA.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Facebook/Bojko Borisov