Të martën, temperaturat minimale do të jenë nga 2 deri në 7°C, në lugina dhe fushat e larta deri në -2°C; në Sofje pritet një minimum prej 1°C. Në mëngjes, në disa lugina dhe përgjatë lumenjve do të ketë dukshmëri të reduktuar për shkak të mjegullës. Gjatë paradites, moti do të jetë kryesisht me diell. Në gjysmën e dytë të ditës, vranësirat e mesme dhe të larta do të shtohen dhe do të bëhen më të dendura. Në disa zona të maleve Rilla dhe Rodopet dhe rajonet juglindore, mund të bjerë shi i dobët. Temperaturat maksimale do të jenë ndërmjet 15 dhe 20°C, ndërsa në kryeqytet rreth 16°C.

Në bregdetin e Detit të Zi, do të ketë vranësira të shpërndara, pa reshje. Temperaturat maksimale të ajrit do të jenë nga 16 deri në 18°C. Temperatura e ujit të detit është 17–19°C, ndërsa dallgëzimi do të jetë 2–3 ballë.

Në zonat malore do të ketë vranësira të shumta, kryesisht të larta dhe të mesme. Do të fryjë erë e lehtë deri mesatare nga jugu-jugperëndimi. Temperatura maksimale në lartësi rreth 1200 m do të jetë rreth 13°C, ndërsa në 2000 m rreth 6°C.

Të mërkurën, vranësirat do të shtohen edhe më shumë. Në disa zona perëndimore dhe malore, janë të mundshme reshje të dobëta shiu. Moti do të jetë kryesisht i qetë ose me erë të lehtë jugore, ndërsa temperaturat do të jenë 1–2 gradë më të larta.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA